“İddia olunur ki, Kürdəmir rayonunda əsgərliyə getmədən hərbi bilet alan şəxslərin sayı az deyil. Bildirilir ki, bəzi şəxslər özlərini guya hərbi xidmətə yararsız göstərərək saxta tibbi və digər sənədlər əldə ediblər.”
Kürdəmir rayonunda saxta sənədlərlə əsgərlikdən yayınmaq iddiaları.
Tural Əzizov Həsən oğlu iddia edir ki, Kürdəmir rayonunda bəzi şəxslər saxta sənədlərlə hərbi xidmətdən yayınmaqla qanunu və vicdanı tapdalayırlar.
Onun sözlərinə görə, bu şəxslərin böyük əksəriyyəti İcra Hakimiyyətində işləyir və özlərini guya yararsız göstərərək əslində lüks həyat sürür, ictimai etimadı sui-istifadə edirlər.
“Bəzi insanlar şəhid və qazilərin, vətən qarşısında borclu olan gənclərin adından istifadə edərək şəxsi maraqlarını təmin edirlər.
Saxta sənədlərlə əsgərlikdən yayınmaq yalnız qanunu pozmaq deyil, həm də cəmiyyətə və əxlaqa qarşı açıq bir hörmətsizlikdir,” deyə Tural Əzizov bildirib.
O əlavə edir ki, bu hallar rayon ictimaiyyətində böyük narazılıq yaradıb və məsuliyyət daşıyan qurumlar tərəfindən dərhal araşdırılmalıdır. “İcra Hakimiyyətində işləyən şəxslərin belə hallara qarışması xalqın etibarını sarsıdır və gələcək nəsillər üçün pis nümunədir.
Hər kəs bilməlidir ki, qanunu və vətənə borcu aldatmaq cəmiyyət tərəfindən qəbuledilməzdir,” deyə o qeyd edib.
