Nəsimi rayonu, Cavadxan 48 ünvanında yerləşən Al Market mağazasında müştəriyə qarşı qeyri-etik davranış qeydə alınıb.

Xebernur.com-un Məlumatına görə, sözügedən mağazada xidmət göstərən kassir müştəri ilə kobud üslubda danışıb, yüksək səslə qışqıraraq hörmətsizlik nümayiş etdirib. Hadisə zamanı müştəri sadəcə irad bildirdiyi halda, kassir tərəfindən etik normalara zidd ifadələr səsləndirilib və təhqiramiz davranışa yol verilib.
Xidmət sektorunda çalışan şəxslərin müştərilərlə ünsiyyətdə elementar davranış qaydalarına əməl etməsi vacib olduğu halda, bu hadisə ciddi narazılığa səbəb olub. Vətəndaşlar bildirirlər ki, bu cür hallar təkcə konkret işçiyə deyil, ümumilikdə ticarət şəbəkəsinin imicinə xələl gətirir.
Məsələ ilə bağlı Al Market şəbəkəsinin rəhbərliyindən personal seçimi, işçi davranışları və daxili nəzarət mexanizmləri ilə bağlı ciddi tədbirlər görülməsi, oxşar halların təkrarlanmaması üçün müvafiq addımların atılması gözlənilir.
Qeyd edək ki, müştəri məmnuniyyəti və etik davranış prinsipləri pərakəndə satış sektorunda əsas meyarlardan biri hesab olunur. Bu cür insidentlərə operativ reaksiya verilməsi ictimai etimad baxımından mühüm əhəmiyyət daşıyır.