Jurnalist Ləman Ələşrəfqızı məşqçi Mehman Xəlilovun zərbələri nəticəsində vəfat edən 7 yaşlı Fəridin ölümündə onun anasını təqsirkar bilib.
Xebernur.com istinadən Sonxeber.az xəbər verir ki, bu barədə Ləman Ələşrəfqızı sosial media hesabında paylaşım edib.
"Sumqayıtda idman zalında ölən uşağın anasından gözüm su içməmişdi. Bu gün səhər mənə gələn zəngdən bir daha əmin oldum ki, bu qadın o manyak qədər uşağın ölümündə rol alıb. Zəng edən köhnə tanışlarımdan biridir. Həyat yoldaşı hadisə yerinə ən tez yetişən polis əməkdaşlarından biri olub. O nələr görüb,nələr. Qadın deyir ki, müharibə iştirakçısı olan həyat yoldaşım 3 gündür özünə gələ bilmir. Körpənin cansız bədəni onun qucağında olub. Bədənində dişlək yerləri polis əməkdaşını şübhələndirib. Anasından soruşanda deyib ki, uşağımı əzizləyəndə onu belə dişləyirəm. Görüntülər ortaya çıxandan sonra ana adlı məxluq sözlərini dəyişib. Görüntülər isə tək paylaşılanlardan ibarət deyil. Uşağa işgəncə kadrları yenə var. Bəs, bu şərəfsiz niyə məhz 7 yaşlı bu uşağı hədəf seçib? Bu sualın cavabı da məncə ana adlı o məxluqatdadır. Qısası, "ana havalanıb", " bədbəxt, zavallı ana" ifasələrini yazanda heç tələsməyin. Bədbəxt 7 yaşlı o körpə idi, onu da Allah öz yanına apardı. Cinayətkarların cəzası isə ağır olmalıdır" ,- jurnalist vurğulayıb.

Qeyd edək ki, Aprelin 29-da Sumqayıtda Uşaq Şəhər xəstəxanasında 7 yaşlı Fərid Bakarovun ölüm xəbəri ölkədə əks-səda verib. O sambo məşqləri zamanı məşqçisi Mehman Xəlilovun zərbələri nəticəsində kəllə-beyin travmasından ölüb.