27 sentyabr-Anım Günü

İllərin sınağından çıxmış bir xalq var.Gözəl təbiətli,dərman havalı,sıx meşəli,qiymətli torpaqlı.Bu xalqın daim mənəvi zənginliyinə,qonaqpərvərliyinə, görə başı ağrıyıb.Düşmənləri saysız-hesabsız olub.
Daim səxavəti ucbatından illərlə
təqiblərə,hücumlara məruz qalıb.
Namərd qonşularımız olan ermənilər daim xarici havadarlar tərəfindən silahlandırılaraq vətənimizə qarşı qara niyyətli planlar hazırlayıblar.Tarixə nəzər salanda insanı heyrətə gətirən mənzərələr diqqəti cəlb edir.
1905-1907,1918-1920,1948-1953 və 1988-ci ildən başlayaraq hələ dəəzabı bitməyən pisliklər...
1905-ci ildən indiyə qədər mərhələ-mərhələ minlərlə soydaşımızı doğma yurdlarından
didərgin salan düşmən 1988-ci ildən sonra da Qarabağ adlı faciəylə zərbə vurdu xalqımıza.
Əvvəlcə dəhşətli Xocalı faciəsi, sonra Şuşa,Laçın,Kəlbəcər,Qubadlı,Zəngilan,Cəbrayıl, Ağdam, Füzuli acısı yaşadı yurdumuz.
Minlərlə insan köçkün olaraq Azərbaycanın
sinəsinə səpələndi.İllərlə alın təriylə yığılan nə varsa, hamısı talan edildi.İnsanlar bütün əziyyətlərə, əzablara tuş gəldi.Əsir aparıldılar,
şikəst edildilər,işgəncəylə məhv edildilər.Dünya bu faciəyə illərlə göz yumdu.ATƏM-in(indiki ATƏT) Minsk qrupunun səyi,BMT-
Təhlükəsizlik Şurasının erməni işğalçılığı haqqında 4 qətnaməsi daima yalan olaraq arxivlərə atıldı.1992-ci ildən 2020-ci ilin sentyabr ayının 27-nə qədər ədalət susdu.
Nəhayət gözlədiyimiz zaman yetişdi.2020-ci il sentyabr ayının 27-də xalqımız Ali Baş Komandan cənab İlham Əliyevin əmrilə ədalətli haqq savaşına başladı.Vətənpərvər insanların diqqəti istər maddi, istərsə də, mənəvi olaraq cəbhəyə yönəldi.44 gün çəkən qanlı mübarizə müzəffər ordumuzun qələbəsiylə başa çatdı.Təəssüflər olsun ki, müharibə itkisiz olmur.3 minə yaxın şəhid verdik.Yüzlərlə qazimiz var. Bu müharibədə yüzlərlə igidimiz
əbədi ad qazandı.Müxtəlif səpgidə fəxri adlar təsis edildi.
,,Vətən müharibəsi qəhrəmanı", ,,Qarabağ", ,,Azərbaycan bayrağı",
,,Rəşadət",Şuşanın,Laçının, Kəlbəcərin,Ağdamın,Cəbrayılın,
Zəngilanın,Füzulinin,Qubadlının,
azadlığı uğrunda medalları özünə uyğun döyüşçülərə təqdim edildi.
Azərbaycanın şanlı ordusu öz
sözünü dedi.Dünya Azərbaycanın
dəmir yumruğunu gördü. Birliyin qələbəyə apardığı sübut edildi. Hal-hazırda xalqımız şəhid ailələrinə böyük diqqət və qayğıyla yanaşır.Şəhid adından üstün ad yoxdur insanlıq kitabında.Təəssüflər olsun ki,tarixi mədəniyyət abidələrimiz erməni vandalizminin amansız məhvinə məruz qalmışdır.
Laçın sakini olaraq rayon ərazisində bir çox abidələri nümunə çəkmək istərdim.
Laçın rayonu ərazisində Ağoğlan çayının sahilində yerləşən Ağoğlan məbədi(v-vı əsrlər)
Üstündə olan yazılar silinərək erməni qəsbkarlarının saxta tarixi yazılmışdır.
Cicimli kəndi ərazisində Məlik Əjdər türbəsi(xıv əsr) ,,Qızqəbri"kurqanı,Kurqan"(Dəmir dövrü)
Güləbird kəndində Sarı Aşığın məqbərəsi,Laçın şəhərində Laçın Tarix-Diyarşünaslıq Muzeyi və onlarla digər tarixi abidələrimiz dağıdılaraq məhv edilmişdir.
Bu vəhşilik bir xalqa qarşı
törədilmiş ən iyrənc əməldir.
Zaman gəldi, biz yenə də o torpaqlarda abadlıq,quruculuq işləri apararırıq, əvvəlkindən də gözəl və əzəmətli tikəcəyik! Yenə bütün
dünya Qarabağın sorağına gələcək.
Böyük qələbəylə düşmən layiqli cəzasın aldı.
Bu qələbə göstərdi ki,doğrudan da Qarabağ bizimdir,Qarabağ Azərbaycandır!

Raziyyə Həşimova
Laçın rayonu ,,Taxtakörpü
qəsəbə tam orta məktəbi"nin
sinif müəllimi.