Jurnalist Nuranə Abdullayevanın İcxeberler.info-ya müsahibəsi:



-Salam, sizi daha yaxından tanıyaq...

-Adım Nuranə, ixtisasca jurnalistəm. Ailədə onuncu qız övladı olmuşam. Bir qızım var.

-Niyyətinizin olduğu mənzilin başındasızmı?

-Bəli, atalar deyib ki, niyyətin hara, mənzilin də ora. Mənim niyyətim həmişə ana olmaq olub, və bu niyyətimə də çatmışam.

-Ən çətin peşə nədir?

-Məncə ən çətin peşə elə jurnalistikadır.

-Ən böyük səhviniz nə olub

-Ən böyük səhvim nigaha girdiyim gündür

-Həyatınızda yadda qalan hadisə hansı olub?

-Ən yadda qalan günlər qaçqınlıq illərimizdir, çox acınacaqlı anlar idi...

-Hobbiniz?

-Mahnı oxumaq

-Dostlarınız çoxdur, düşmənləriniz?

-Düşmənlərim çoxdur, dostlarımsa az

-Bağışlamağı bacarırsızmı?

-Kinli deyiləm, tək bağışlayan Allahdır

-Xoşbəxtlik nədir?

-Mənim xoşbəxtliyim övladımdır...

-İllər ərzində Əldə etdiyiniz uğur və itirdiyiniz nə olub

-Əldə etdiyim uğur "İlin Fəal kriminal müxbiri və Realist journalist” adi almaq olub.

-Ailəniz uğursuz alındı. Yenidən ailə qurardızmı?

-Yenidən ailə qurmaq istəmirəm, tək istədiyim balamı oxudub savadlı etməkdir, vətənə xeyirli övlad olsun

-Paylaşımlarınızda daha çox idmançı dostlarınız olduğunu görürük, bu idmana olan sevgidəndir, yoxsa?

-Bəli, dostlarımn əksəriyyəti idmançıdır və bu da idmana olan sevgidən irəli gəlir.

-İdmanın hansı növləriylə məşğulsuz?

-Fitneslə məşğul oluram

-Hansı idmançını idealınız hesab edirsiz?

-Eduard Məmmədovu, o, kikboksinqdə məğlubedilməzdir.