Azərbaycanda yaşayan Axiska türklərinin Vətən cəmiyyətinin təşkilatçılığı ilə keçmiş SSRİ-nin tərkibində olan Gürcüstan SSR-in (indiki Gürcüstan Respublikası) Mesxetiya regionunda yaşayan Ahıska türklərinin 1944-cü il noyabrın 14-də sovet hökuməti tərəfindən Mərkəzi Asiyaya (Qazaxıstan, Qırğızıstan və Özbəkistana) deportasiya edilməsinin 81 ci ildönümü ilə bağlı tədbir keçirilmişdir. Tədbirdə dövlət və ictimaiyyət nümayəndələri, xarici səfirliklərin təmsilçiləri iştirak etmişdir. Azərbaycan Kürdlərini tədbirdə Ronahi Kürd Mədəniyyət Mərkəzinin sədri Zabit Məmmədov təmsil etmişdir.