Xebernur.com xəbər verir ki, Son dövrlər sosial şəbəkələrdə müğənni Afət Fərmanqızının davranışları ictimai narazılığa səbəb olub. Özünü davamlı şəkildə gündəmdə saxlamaq məqsədilə bir sıra müğənniləri, teleaparıcıları və blogerləri açıq formada təhqir etməsi cəmiyyətdə ciddi suallar doğurur: sənət adamına bu ixtiyarı kim verib?
Müğənni olmaq insanlara qarşı hörmətsiz danışmaq, onların şərəf və ləyaqətini alçaltmaq anlamına gəlmir. Tənqid anlayışı ilə təhqir anlayışı arasında böyük fərq var. Sosial platformalarda səsləndirilən təhqiramiz ifadələr təkcə etik normaları pozmur, eyni zamanda psixoloji təsir baxımından təhlükəli nəticələrə də yol aça bilər.
Xüsusilə son günlərdə Zamiq Quliyev və onun ailəsi ilə bağlı səsləndirilən ifadələr cəmiyyətdə ciddi narahatlıq yaradıb. Ailə üzvlərinə dil uzatmaq nə tənqid, nə də fikir azadlığı çərçivəsinə sığır. Bu cür çıxışlar artıq təxribat xarakteri daşıyır və ictimai qınaq doğurur.
Unudulmamalıdır ki, sosial şəbəkə səhnə deyil, şəxsi hesablaşma meydanı isə ümumiyyətlə deyil. Şöhrət və tanınma məsuliyyət tələb edir. Sənət adamı ictimai nümunədir və hər çıxışı ilə cəmiyyətə təsir göstərir. Bu təsir isə aqressiya və təhqir yox, mədəniyyət və peşəkarlıq üzərində qurulmalıdır.
Cəmiyyət bu cür davranışlara artıq susmamalıdır. Sənət aləmi səs-küy yox, sənət; təhqir yox, səviyyə tələb edir.