Kəlbəcərdə gizirin sosial şəbəkədə təhqiramiz paylaşımları narazılıq doğurub

Xebernur.com xəbər verir ki, Kəlbəcər rayonunun “N” saylı hərbi hissəsində gizir kimi xidmət edən Şirməmməd Mehdiyev sosial şəbəkələrdə hərbi geyim formasında təhqiramiz ifadələr işlətməsi ilə gündəmə gəlib.

Sosial şəbəkələrdə yayılan görüntülərdə və paylaşımlarda Mehdiyevin hərbi geyimdə, xidmətdə olduğu halda sosial şəbəkədən aktiv istifadə etdiyi və qadına qarşı nalayiq ifadələr işlətdiyi iddia olunur. Bu davranış həm cəmiyyət, həm də hərbi xidmətə hörmətlə yanaşan insanlar tərəfindən kəskin tənqid olunub.

İctimaiyyət bu halı Azərbaycan Ordusunun nizam-intizam prinsiplərinə, hərbi geyimin vəzifəsinə və mənəvi dəyərlərinə zidd hesab edir.

Məsələ ilə bağlı Müdafiə Nazirliyindən ciddi araşdırma aparılması və hərbi geyimdə etik qaydaları pozan şəxslərə qarşı tədbir görülməsi tələb olunur.

Qeyd edək ki, hərbi qulluqçuların sosial şəbəkələrdən istifadəsi və xidmətdə şəxsi cihaz işlətməsi qaydalarla qadağan edilib. Bu qaydaların pozulması isə xidmət intizamının pozulması kimi qiymətləndirilir.