Müğənni Nura Suri Od Püskürdü: “Trollarınızı da, sifariş verdiyiniz qaralama kampaniyasını da yaxşı tanıyıram!”

Müğənni Nura Suri sosial şəbəkədə ona qarşı aparıldığı iddia olunan qaralama kampaniyasına sərt reaksiya verib. O, son günlər müəyyən qruplar tərəfindən məqsədli şəkildə hədəfə alındığını bildirib və qarşı tərəfin atdığı addımları “ağlasığmaz səviyyəsizlik” adlandırıb.

Nura Suri paylaşımında bildirib ki, əvvəlcə onun sosial şəbəkə hesablarına saxta profillər vasitəsilə hücumlar təşkil olunub:

“İlk olaraq trollarınızı buraxdınız üstümə. Vallah, elə səviyyəsiz və düşüncəsüz trollarınız var ki, onların mənim haqqımda nəsə deməsi, tənqid etməsi mənim üçün komplimentdir. Çünki həmin trollar məni bəyənmirsə deməli, doğru yoldayam.”

Müğənni qeyd edib ki, cəmiyyətin böyük qismi onu dəstəklədiyi üçün trolların təsiri sıfıra düşüb. Bu səbəblə kampaniyanın daha da genişləndirildiyini vurğulayıb:

“Gördülər ki, şərhlərdə insanların əksəriyyəti müsbət fikir yazır, trollarla bacarmayacaqlar. İndi ayrı-ayrı şəxslərə haqqımda qeyri-obyektiv məlumatlar yazdırır, gündəmə gəlmək istəyənləri də işə salırlar. Bəziləri var ki, sırf ‘hamam suyundan pay almaq’, kimlərəsə yaxınlaşmaq üçün ortalığa düşüb dərhal kiminsə tərəfini tutur.”

Sənətçi bildirib ki, özünə qarşı atılan bütün addımları əvvəlcədən bildiyi üçün bu kampaniyanın onu sarsıtması mümkün deyil:

“Sizi o qədər yaxşı tanıyıram ki, növbəti addımınızın nə olacağını qabaqcadan görürəm. Sifarişlə hərəkət edənləri də, ‘layihə insanları’nı da illərdir tanıyıram. Mənə qarşı qurduğunuz heç bir plan işləmir.”

Nura Suri ən ciddi ittihamı isə media sahəsinə edilən təzyiqlərlə bağlı səsləndirib. Onun iddiasına görə, bəzi media qurumlarına məlumatı yayımlamasınlar deyə təzyiq göstərilir:

“Dünəndən etibarən jurnalistlərə və xəbər saytlarına təzyiqlər edilir ki, bu mövzunu işıqlandırmasınlar. Bu artıq tək mənə hücum deyil – media azadlığına basqıdır. Sizin trollarınız bəs etmədi, indi də söz azadlığını boğmağa çalışırsınız.”

Sosial şəbəkələrdə Nura Surinin paylaşımı qısa müddətdə geniş müzakirəyə səbəb olub. Bir çox istifadəçi müğənnini dəstəklədiyini bildirərkən, digər tərəfdən isə kampaniyanın məqsədinin “səs-küy yaratmaq və fikirləri yayındırmaq” olduğu iddiaları səsləndirilir.