Şərqi Zəngəzur Regional Təhsil İdarəsi ilə Elm və Təhsil İşçiləri Həmkarlar İttifaqının rayon komitələri arasında kollektiv müqavilə imzalanıb.
Görüşdə Şərqi Zəngəzur Regional Təhsil İdarəsinin müdiri Fuad Bədəlov, Elm və Təhsil İşçiləri Həmkarlar İttifaqının əməkdaşları, Qubadlı, Kəlbəcər, Laçın, Cəbrayıl və Zəngilan rayon komitələrinin sədrləri iştirak ediblər.
Görüş zamanı kollektiv müqavilənin əhəmiyyəti, əmək münasibətlərinin şəffaf və hüquqi əsaslarla tənzimlənməsi, işçilərin sosial hüquqlarının müdafiəsi ilə bağlı məsələlər vurğulanıb.
Həmçinin kollektiv müqavilənin maddələrinin icrası, tərəflərarası kommunikasiyanın gücləndirilməsi, sosial tərəfdaşlığın davamlı olaraq inkişaf etdirilməsi, mübahisələrin qarşısının alınması üçün önləyici tədbirlər və əmək mühitində qarşılıqlı dəstəyin təmin edilməsi kimi məsələlər ətrafında fikir mübadiləsi aparılıb.
