Bakı şəhəri, Nərimanov rayonu sakini Cavadova Safurə Tofiq qızı Prezident İlham Əliyevə müraciət edərək, öz və dörd azyaşlı övladının təhlükəsizliyinin təmin olunmasını xahiş edib. Müraciətdə qeyd olunur ki, ailənin yaşadığı ev dəmir yolu mühafizə zolağında yerləşən qanunsuz tikililərlə bağlı problemlər səbəbindən təhlükə altındadır.

Cavadova Safurə bildirir ki, evin başına uçurulma riski mövcuddur və ailə küçələrdə qalmaq təhlükəsi ilə üz-üzədir. O vurğulayır ki, uşaqlarının sağlamlığı, təhlükəsizliyi və gələcəyi ciddi risk altındadır və hazırda ailəsi ağır psixoloji və maddi çətinlik yaşayır.

Məsələ ilə bağlı “Azərbaycan Dəmir Yolları” QSC Bakı Şəhəri Nərimanov Rayon Məhkəməsinə iddia ərizəsi təqdim edib və cavabdehlərin qanunsuz tikililəri sökülməsi tələb olunub. Məhkəmə iddianı icraata qəbul edib və cavabdehlər etiraz etməyiblər.

Prezidentdən edilən müraciətdə xahiş olunur ki, qanunsuz tikililərin sökülməsi, dövlət əmlakından qanunsuz istifadəyə qarşı nəzarətin gücləndirilməsi və ailənin təhlükəsizliyinin təmin olunması təmin olunsun.

Cavadova Safurə Tofiq qızı bildirir ki, ailəsinin vəziyyəti acınacaqlıdır və dərhal müdaxilə olunmasa, dörd azyaşlı övladı ilə birlikdə küçələrdə qalmaq təhlükəsi ilə üz-üzə qalacaq.