20 avqust tarixində Sumqayıt şəhərində yerləşən Zəngilan rayon 15 nömrəli tam orta məktəbinin qarşısında seçicilərimlə açıq havada görüşüm oldu. Görüşdə Zəngilan və Qubadlı rayonlarından olan və həmin ərazidə müvəqqəti məskunlaşan seçicilərim iştirak edirdi.

Əlbəttə, onların arasında İkinci Qarabağ savaşının şəhidi, mayor Rüfət Əsgərovun atası Mürvət Əsgərovun, antiterror əməliyyatları zamanı şəhid olan Zamin Abbasovun anası Sevda xanım Abbasovanın olması, dəstək çıxışları məni həddən artıq sevindirdi.

Seçicilərim qarşısında çıxış etdim, deputatlığa namizəd kimi el-obamın mərd insanları ilə görüşdən şad olduğumu bildirdim. Seçiləcəyim təqdirdə seçicilərilə dövlətim arasında etibarlı körpü olacağımı, onları narahat edən məsələləri diqqətdə saxlayacağımı vurğuladım.

Qubadlı-Zəngilan üçün #yenilikzamanıdır