190 manat birdəfəlik ödəmənin verilməsi davam etdiriləcək? - Operativ Qərargah açıqladı
Bu ödənişlər qısa bir müddətdə hissə-hissə ödəniləcək.
XƏBƏRNUR Trend-ə istinadən xəbər verir ki, bunu Operativ Qərargahın keçirdiyi birifnqdə Prezidentinin iqtisadi məsələlər üzrə köməkçisi Şahmar Mövsümov deyib.
Onun sözlərinə görə, birdəfəlik ödəmələrlə bağlı qərar qəbul olunub, və 8 rayon üzrə tətbiq olunacaq. Bu ödənişlər qısa bir müddətdə hissə-hissə ödəniləcək, çünki məqsəd odur ki, insanlar kütləvi şəkildə bankomatların qarşısında toplaşmasın.
"Yenidən karantin rejimi tətbiq olunan ərazilərdə 190 manat birdəfəlik ödəmənin verilməsi məsələsinə gəldikdə isə, bu məsələ müzakirə olunacaq və yaxın zamanda bunula bağlı müzakirələrin nəticəsi məlum olacaq".
