Ronaldo rekorda imza ATDI
Xəbər verilir ki, bugünkü maraqlı qarşılaşmalardan biri Portuqaliya-Özbəkistan matçı olub. K qrupunun bu oyununda Portuqaliya Özbəkistana 5:0 hesabı ilə qalib gəlib.
Portuqaliya millisinin kapitanı Kriştianu Ronaldo isə Özbəkistana qarşı keçirilən oyunda adını yenidən futbol tarixinə yazdırıb.
41 yaşlı hücumçu qarşılaşmada 2 qol vurub. Beləliklə Ronaldo altı müxtəlif Dünya Çempionatında qol vuran ilk futbolçu kimi rekord müəllifi olub. O, 2006, 2010, 2014, 2018, 2022 və 2026-cı illərdə keçirilən mundiallarda rəqib qapılarına qol vura bilən yeganə futbolçudur. İndiyədək heç bir oyunçu bu göstəriciyə nail ola bilməyib.
