Səmimi insan qayğıkeş ailə başçısı İqbal Hüseynov 14 iyul 1949-cu ildə Salyan rayonunun Xələc kəndində dünyaya göz açmışdır. 1956-cı ildə Salyan şəhəri 3 saylı orta məktəbin l sinifinə daxil olmuş 1967-ci ildə X sinifi bitirmişdir.
O 1966-1969 cu illərdə Salyan Neft Qazçıxarma idarəsində fəhlə işləmişdir.
1969-cu ildə BDU-nun Coğrafiya fakultəsinə daxil olur. Təhsilini bitirdikdən sonra 1975-ci ildə Aşağı Kürkənd kənd orta məktəbinə müəllim kimi işə qəbul olunur, sonra 1979-cu ildə şəhər 2 saylı orta məktəbə köçürülür.
1980-cı ildə Salyan Neft və Qazçıxarma idarəsinə mühəndis vəzifəsinə təyin olunur. Orada bir müddət işlədikdən sonra. 1989-1990 cı illərdə baş vermiş, məlum hadisələrlə bağlı olaraq, öz ərizəsinə əsasən işdən ayrılır. İqbal Hüseynov 5 saylı Cəzaçekmə müəsisəsində rəhbər vəzifəsindədə çalışıb. Daha sonra Xurşud kənd orta məktəbinə ixtisası üzrə müəllim kimi işə başlayır. 1974-1975 ci illərdə öz sevib seçdiyi məktəb yoldaşını, öz həyat yoldaşı kimi görmək istəyən İqbal, Yaqut xanımla ailə həyatı qurur. Yaqut Hüseynova da uzun illər Salyan rayon 1 saylı orta məktəbdə Azərbaycan dili və Ədəbiyyat müəllimi vəzifəsində çalışıb.
İllərini məktəbə bağışlayan, şagirdlərinin sevimli müəllimi olan İqbal Hüseynov 2015-ci ildə yaşla əlaqədar olaraq 66 yaşında işdən pensiyaya göndərilir.
İqbal Hüseynovun 3 qız övladı 7 nəvəsi var. Hər zaman nəvələrinin qayğısına qalıb, onları əzizləyirdi. Böyük nəvələri Rafiq və Rufanə "Azərbaycan Dövlət İqtisad universtitet" nin məzunlarıdırlar. Ruslan adlı nəvəsi "Milli Aviasiya Akademiyası" nın lll kurs tələbəsidir. Ayan, Rəvan, Yaqut və Əsma adlı nəvələri isə orta məktəbdə təhsil alırlar.
13 iyul 2020-ci ildə İqbal müəllim özünü yorğun hiss etdiyi üçün günorta saatların da əzizlərinə yatmağa gedirəm sözünü deyir və otağına gedib uzanır, bu yuxu onun əbədiyyən yuxusu olur. Sevənlərinin, əzizlərinin gözünü yaşlı qoyan İqbal Hüseynov 71 yaşına 1 gün qalmış dünyasını dəyişir. Bugün onun vəfatından 2-il ötür. Onu sevənlərin yaddaşında sakit, hörmətli biri kimi qalan İqbal müəllimi tez-tez yada salır, keçmişi vərəqləyib şirin xatirlərindən söhbət açırlar...
Sayıtımızın rəhbərliyi adından həyat yoldaşı Yaqut müəllimə başsağlıqı veririk. Allah rəhmət etsin. Sonda isə Şəhriyarın şeiri ilə yazımı tamamlamaq istəyirəm.

Bir insan köçürsə dünyadan əgər,
Sən elə bilməki bir cahan gedir.
Hər sönən baxışda saysız diləklər,
Hər kiçik tabutda bir məzar gedir.

O gedir qalırıq biz yana-yana,
Bu dərdi ürəkdə daşımaq çətin.
Hər gün yer üstündən yerin altına,
Köçür bir parçası bəşəriyyətin.