Hacıqabul DAİM-də nələr baş verir? - İDDİA

Hacıqabul rayon Dövlət Aqrar İnkişaf Mərkəzinin direktoru Abuzərov Ariz Arif oğlu haqqında redaksiyamıza çox sayda şikayətlər daxil olub. Redaksiyamıza müraciət edən vətəndaş A. Abuzərovun rayonda bir çox yeyinti hallarının olduğunu iddia edib. Həmin iddiaların bir neçəsini təqdim edirik. Qeyd edək ki, yazılan iddialar sadəcə iddiadır və qarşı tərəfin mövqeyini dərc etməyə hazırıq:

"Hacıqabul rayon Dövlət "Aqrar İnkişaf Mərəzi"-nin direktoru Abuzərov Ariz Arif oğlu rayonda böyuk korrupsiya ilə məşğuldu. Buna sübut olaraq aşağıdakı faktları sadalaya bilərəm:
Hacıqabul rayonu Navahı və Atbulaq kəndi ərazisində ümumilikdə 300 hektar taxil sahəsinə saxta bəyan verilərək subsidiya mənimsənilib. Halbuki bəyan verdiyi ərazidə əkin olmamışdır."

Bu mənimsəmələrin məhz adıçəkilən şəxs tərəfindən birbaşa və ya dolayı yolla edildiyini iddia edən vətəndaş bu baş verənlərin Hacıqabulda baş verən yeyinti hallarının nə ilki nə də sonu olmadığını bildirir.

Daha sonra şikayətçi bildirir ki, Abuzərov Ariz bir çox vətəndaşlara hədə qorxu gələrək bildirir ki, mənimlə razılaşmadığınız halda, sizin subsidiyanızı ləğv edecəyəm. Vətəndaşlara verilən subsidiyaları 30% -ə razılaşaraq kartları alıb, kübrə satışı ilə məşqul olan şirkətlərlə 100% nağdlaşdıraraq Salyan rayonunda özünə məxsus olan kübrə mağazasında satışını həyata keçirir. Bu iddianın fakt olub olmadığını yoxlamaq imkanımız olmadığı üçün iddia olduğunu qeyd edirik. Yeyinti hallarının rayondakı meyvə bağlarına qədər gedib çıxdığını bildirən şikayətçi qeyd edir:

"Hacıqabul rayon ərazisində meyvə bağlarına və bağların cavanlaşdırılıb əkilən ağacların sayını və hektarlarla torpaq sahəsini artıraraq verilən subsidiyalara vətəndaşları incidərək Ariz Abuzərov mülkiyyətçisinə vəzifəsindən istifadə edərək hədə-qorxu gəlib demişdir ki, narazılığın varsa səni yerdə qalan vəsaitdən də məhrum edərəm. Barama saxlayan bəzi vətəndaşlar bu günə qədər dövlətə təhvil verdiyi baramanın dövlət tərəfindən verilən pulunu ala bilməmişdir. Araşdırmalar zamanı məlum olur ki, pulunu ala bilməyən barama saxlayan vətəndaşların pulun Abuzərov Ariz özüne münasib olan fermerlərin kartlarına vuraraq mənimsəmişdir. Hacıqabul rayon vətəndaşları olan tanışlarının 1 qutu, yəni 40 kq bəyan edib təhvil verdiyi baramaya görə 360 manat vəsait onlara məxsus kartlara köçməli olduğu halda onlardan bəzilərinin kartına təqribi olaraq 11800 manat vəsait köçürülüb. Həmin kartın məlumatlarını Hacıqabul DAİM-in sədri Ariz Abuzərov vəzifəsindən istifadə edərək Aqrar Kredit və İnkişaf Agentliyi-nə göndərib ki, tanışının fermer kartına vurulsun artıq məbləğ tanışının balansına köçürülsün.
Daha sonra Ariz Abuzərov demişdir ki, ona köçmüş pulları kartdan çıxarıb Arizə versin veren şəxs öz səs yazısında təsdiq etmişdir ki, o pulları vəzifəli şəxs olan Ariz Abuzərova təqdim edib."


Şikayətçi qurumda işçi qüvvəsinin götürülməsində də məsuliyyətsizlik edildiyini iddia edib:

"Ariz Abuzərov Cənab Prezidentin göstərişlərinə məhəl qoymuyaraq sosial işçilər gotürəndə əvvəlcədən razilaşırki 5 ay əmək haqqı kartınız məndə olmalıdır, digər aylar əgər işə gələrsinizsə kartı sizə verərəm. Bu faktı təsdiq etmək üçün əlimdə yetəri qədər faktlar var. Vəzifəli şəxs olan Ariz Abuzərov öz vəzifə səlahiyyətindən istifadə edərək, deyirki məni nazirlikdə yaxın dostlarım var. Razılaşaraq işə götürdüyü işçilər bir gün belə işdə olmamışdır. İşçilərə tapşırır ki,sizdən kimsə niyə işdə olmadığınızı soruşsa deyinki müdir iş daliyca göndərib.
Aqrar İnkişaf Mərkəzinə ixtisasına uyğun olmayan vətəndaşlardan Abuzərov Ariz 3500-4000 manat alaraq işə götürmüşdür. İşçilərə bildirir ki, bu məbləğin hamısı mənə çatmır. Mən də sizin sənədlərinizi nazirliyə aparanda pulu onlara verirəm. Hətta deyir ki, indi pulsuz iş yoxdur."

"Hətta ötən il üçün verilmiş bəyanlarla əkilmiş sahələr yoxlanılsa Abuzərov Ariz Arif oğlunun necə korrupsiya ilə məşqul olması bir daha öz təsdiqin tapacaq. Hacıqabul rayonunun Meyniman, Qarasu, Muğan, Rəcbər, Qubalı Baloğlan, Pirsaat, Navahı, Atbulaq və s. kimi kəndlərini buna misal çəkə bilərəm."- deyərək şikayətçi aidiyyatı qurumları bu faktları araşdırmağa dəvət edir. Bu qeder ciddi pozuntular ve korrupsiya emelleri heqiqetende Ariz Abuzerovun dediyinin tesdiqin tapırki onu Kend Teserrüfatı Nazirliyinde ciddi şekilde müdafie edenler var.Cənab nazir Məcnun Məmmədov bu korrupsiya emellerine ve dövlətə dəyən bu qədər ciddi ziyana göz yumur.Sonda bildirək ki, həmin şəxsin yeyinti halları haqqında şikayətlər olduqca çoxdur və qarşı tərəfi dinləməyə, mövqeyini dərc etməyə hazırıq.