Regional Hüquqi və İqtisadi Maarifləndirmə İctimai Birliyi Türk Akademisyenler Birliyinin təşkilatçılığı ilə keçiriləcək beynəlxalq konqresdə iştirak edəcək.

[b]Kanal 15 Tv.com[/b] xəbər verir ki, “Ganira Paşayeva və Türk Dünyası: Ədəbiyyat, Mədəniyyət, Siyasət və Birlik İdealı” mövzusunda beynəlxalq konqres 27–28 sentyabr 2026-cı il tarixlərində keçiriləcək.

Təşkilatdan verilən məlumata görə, konqres Gənirə Paşayevanın Türk dünyasının ədəbi, mədəni və siyasi əlaqələrinin inkişafında göstərdiyi fəaliyyətə, onun Türk dünyasının birliyi ideyasına verdiyi töhfələrə həsr olunacaq.

Beynəlxalq tədbirdə Türk dünyasının müxtəlif ölkələrindən alimlərin, akademiklərin, tədqiqatçıların və ictimaiyyət nümayəndələrinin iştirakı gözlənilir.

Konqres çərçivəsində Gənirə Paşayevanın yaradıcılığı, ictimai-siyasi fəaliyyəti, Türk dünyasının mədəni və ədəbi irsinin təbliğində rolu, eləcə də Türk xalqları arasında həmrəyliyin və əməkdaşlığın gücləndirilməsi məsələləri müzakirə olunacaq.

Tədbirdə ədəbiyyat, mədəniyyət, siyasət və Türk dünyasının gələcək inkişaf perspektivləri ilə bağlı müxtəlif məruzələrin təqdim edilməsi nəzərdə tutulur.

Regional Hüquqi və İqtisadi Maarifləndirmə İctimai Birliyi konqresdə iştirakını Azərbaycanı və Türk dünyasının ortaq dəyərlərini təbliğ etmək baxımından mühüm hadisə kimi qiymətləndirir.

Qeyd edək ki, Gənirə Paşayeva Türk dünyasının birliyi və Azərbaycan-Türk dünyası əlaqələrinin inkişafı istiqamətində fəaliyyəti ilə tanınıb.