Ulu Öndər Heydər Əliyevin yolundan Qurtuluşdan inkişafa

15 İyun – Milli Qurtuluş Günü münasibətilə Yeni Azərbaycan Partiyası Laçın rayon təşkilatının 19, 35, 38, 39, 41, 48, 49 və 51 saylı ərazi partiya təşkilatlarında silsilə tədbirlər keçirilmişdir. Tədbirlərdə Milli Qurtuluş Gününün tarixi əhəmiyyəti vurğulanmış, bu əlamətdar günün xalqımızın taleyində oynadığı mühüm rol iştirakçıların diqqətinə çatdırılmışdır.
Çıxış edənlər Milli Qurtuluş Gününün Azərbaycan tarixindəki əhəmiyyətindən bəhs edərək, bu günün xalqımız üçün qürur mənbəyi olduğunu qeyd etmişlər. Bildirilmişdir ki, 15 İyun – Milli Qurtuluş Günü yalnız bir tarix deyil, xalqın iradəsinin, birliyinin və müdrik seçim gücünün təntənəsidir.
Ulu Öndər Heydər Əliyevin bu günlə bağlı simvolik rolu yalnız keçmiş üçün deyil, həm də bu gün və gələcək üçün əsas dəyərə çevrilmişdir. Onun zəngin irsi və ideyaları bu gün də müstəqil Azərbaycanın davamlı və uğurlu inkişafına işıq tutur.