"Azəriqaz"-da Namiq Məmmədov - Həbib Quliyev - tandemi büdcəni talamağa davam edir.

Bugünə qədər " Azəriqaz"-da yüksək vəzifə tutan və bir müddət öncə Ağsu RQİİ-ə şöbə rəisi təyin edilən Namiq Məmmədov haqqında saytımızda bir neçə dəfə vətəndaş şikayəti dərc edilmişdi. Yazılardan sonra quruma yoxlamalar gəlmiş və yoxlamalarda N. Məmmədov və başının dəstəsinin özbaşınalıqları aşkara çıxdıqdan sonra yazılanlar öz təsdiqini tapmışdı.

Saytımıza daha bir vətəndaş şikayəti daxil olub. Belə ki, vətəndaş şikayətində tək N. Məmmədovdan deyil, qurumun başqa vəzifə səlahiyyətlərindən sui-istifadə edənlərdən bəhs edərək bildirir:

"Hal-hazırda struktur dəyişikliyi ilə bağlı Ağsu regionda imtahan gedir, amma imtahan öncədən razılaşdırıb, Namiq Məmmədov və Həbibi Quliyev "Azəriqaz"dan insan resuslarından gələn Nicatla və Qarabağ regionun insan resuslarının rəisi Elçinlə imtahandan öncə danışıb anlaşaraq bu məsələni özləri istəyən kimi həll ediblər, imtahan getməsinə baxmayaraq bu komandan imtahandan öncə razılaşdıqları adamlara sualları kağız şəklində paylayaraq imtahandan keçirirlər, beləki stuktur dəyişikliyi Namiq Məmmədovla Həbib Quliyevə çox maddi fayda verir, Ağsu Şamaxı və Kürdəmirdən gələnlərə xüsusi diqqət göstərilir. Təmir tikinti sahəsindən kimlər gəlirsə imatahandan keçir çünki oranın rəisi də Məmmədova pul daşıyır.

İddialar doğrudursa bu vəziyyət çox rəzil bir vəziyyətdir. Onlarla insan işə düzəlmək ümidi ilə imtahana girir amma onların bir neçəsi imtahanda hansı suallar veriləcəyini və nə cavab verəcəyini öncədən bilir. Ümid edirəm ki, "Azəriqaz" rəhbərliyi bu məsələni araşdırıb doğruluq payı varsa adı çəkilən şəxslər çox ciddi şəkildə cəzalandırılacaq. Əksi halda bu onlarla insanın çörəyinə bais olmaq, onlarla insanın haqqına girməkdir. Adıçəkilən şəxslər iddiaların doğru olmadığını açıqlaya, təkzib edə bilərlər..."

"Təəssüf ki, hazırda Ağsu RQİİ-də ölkə başçısının sözlərinə əməl edən yoxdur. Azəriqaz İstehsalat Birliyi struktur dəyişikliyi apararaq peşəkarlaşmaya doğru getməsini elan etsə də, Namiq Məmmədov qurumun rəhbərliyinin tapşırığının əksini etməkdə israr edir.

Belə ki, Ağsu RQİİ -də Ağsu XİS rəisi Həbib Quliyevin haqqında şikayətlər olmasına baxmayaraq hal-hazırda qarşıdan gələn imtahanlarla bağlı onun bazarı yüksək səviyyədə işləyir. Quliyev, Məmmədovun dəstəyi ilə Azəriqaz İB kadrları ilə anlaşaraq imtahan başlamamışdan əvvəl öz adamlarını və bir müddət əvvəl həbs həyatı yaşayan oğlunu tapşırıb sözsüz ki oğlu istisna olmaqla digərlərinə maddi razılaşma qarşısında dəstək olur. Quliyev Məmmədova 2016-ci ilə sosial işçilərin işə qəbulu zamanı da qara kassa rolunu oynamış, hal-hazırda da həmin işi icra edərək Ağsu RQİİ-yə tabe olan rayonlarda qara kassa vəzifəsini icra edir."

Vətəndaş şikayətinin davamında bildirir:

"İsmayıllı rayonunda qanunsuz tikililərin pul qarşılığında sənədsiz qazlaşması, Ağsu XİS-də anbarda dövlət əmlakının sayının düzgün olmaması hələdə araşdırılasa da bu komandaya gözün üstə qaşın var deyən yoxdur, çünki arxalarında Abdullayev Nail və Hüseynov Cahid kimi yüksək rütbəli klanlar dayanıb. İddialara görə, Ağsu RQİİ-də kim imtahandan keçmək istəyirsə Həbib Quliyevi və ya Namiq Məmmədova görüm baxım etməlidir."

Şikayətçi bildirir ki, N. Məmmədov Kürdəmir XS-də uzun illərdir nəzarət edir:

"2015-ci ildən Kürdəmir XS-i Namiq Məmmədovun şəxsi nəzarətindədir. Rayon ərazisində 2016-2019-cu illər ərzində Kürqırağı kəndlərin qazlaşması gedib. Qaz xəttlərinin çəkilişi zamanı çoxsaylı qanuna uyğun olmayan hərəkətlər edilib ki, bunlar da Namiq Məmmədovun nəzarəti ilə həyata keçirilib və bunun əvəzində podratçı təşkilatlardan külli miqdarda pul alınıb. Bu gün itkilər düzgün araşdırılsa məlum olar ki, qaz xəttlərinin düzgün çəkilməməsi süni qaz itkisi yaranma səbəblərindən biridir."

Xatırladaq ki, bu yazılanlar saytın şəxsi fikri deyil, şikayətçi iddialarıdır və N. Məmmədov və digər əlaqədar şəxslər indiyə qədər heç bir yazıya münasibət bildirib təkzib etməyiblər.