Paytaxtın Xətai Rayonunda yerləşən 171-nömrəli tam orta məktəbin müəllimləri direktor Zemfira Məsiyeva Balakişi qızından şikayətçidir.

“Xebernur.com ” xəbər verir ki, müəllimlərin sözlərinə görə, onlar direktor tərəfindən təhqir, hətta, təhdid də edilir:

İddialara görə, direktor tərəfindən məktəbin informatika otağı darmadağın olunur hətta etdiyi əməli bizim üzərimizə atır.

Müəllimlər bildiriblər ki, üzləşdikləri problemlərlə bağlı müxtəlif dövlət qurumlarına müraciət ediblər.

Mən 171 saylı məktəbin İsmayılova İradə informatika müəllimi xebernur.com saytınına yazıb bldirirəm ki, 2009-cu ildən 171 saylı məktəbdə müəllim işləyirəm. 2017-ci ilədək pedaqoji fəaliyyətimdə istər müdiriyyət, istər kollektiv, istərsə də şagird və onların valideynləri ilə heç bir problem yaşamamışam. Lakin 2017-ci ildən, Məsiyeva Zemfira xanım məktəbimizə direktor təyin edildiyi vaxtdan məktəbdə iki tirəlik-iki komanda yaranıb. Birincisi direktorun fəxrlə adlandırdığı "mənim komandam", ikincisi "bə çeşm" deyə bilməyənlərin olduğu "qara siyahı".
Məsələn, şəxsən "qara siyahı"da ön sıralarda olan mənim 2017-2023-cü tədris illərində sinif rəhbərliyi etdiyim 4 sinif heç bir tutarlı səbəb göstərilmədən məndən alınıb. 2023-2024-cü tədris ilində 5D sinfinin sinif rəhbərliyi mənə tapşırılanda əvvəlki yaşadığım problemlərdən dərs çıxararaq müdiriyyətə şifahi bildirdim ki, əgər bu sinif də digərləri kimi müəyyən müddətdən sonra məndən alınacaqsa indidən qəbul etməyim. Mənə şifahi təminat verildi ki, heç bir problem daha olmayacaq, bu sinfi son sinfədək apara biləcəm və mənə, mənim bacarığıma güvənləri tamdır.
Və mən, həmişəki kimi, yenə də öz ürəyimi, uşaqlara olan sevgimi və tam bacarığımı ortaya qoyaraq 5D sinfinin hər tərəfli işinin təşkilini aparmışam. Tərəfimdən keçirilən hər bir tədbirlərdə bütün 5D sinfinin şagirdlərinin arasında ayrı-seçkilik salmadan hamısının iştirakını təmin etmişəm. Tədbirlər məktəbimizin saytında yerləşdirilib və müdiriyyət tərəfindən müsbət qiymətləndirilib. Amma indi yenə də hər şey təkrarlanır. Rəhbərlik tərəfindən yenə də təzyiqlərə məruz qalıram. Belə ki, 06.02.2025 tarixində 5D sinfinin şagirdləri "bədən tərbiyəsi" dərsindən qayıdıb Texnologiya müəllimi ilə birgə sinif otağına daxil olarkən otaqda kəskin xoşagəlməz qoxu duyublar. Texnologiya müəllimi mənim sinfə gəlməyimi istədi. Mən sinfə daxil olduqda baş vermiş hadisəni araşdırmağa çalışdım.
5D sinfinin sinif rəhbəri olduğum gündən indiyətək nə şagird və onların valideynlərindən, nə də müdiriyyətdən ünvanıma şikayət olmayıb. Lakin nədənsə bu hadisə şişirdilərək məni hər hansı bir şagirdə qarşı qərəzli münasibətlə və ona qarşı "bullyng" təşkil etməklə qaralayırlar. Və yenə də köhnə ssenarilər üzərə öz "xahiş" ərizəmlə sinifdən imtina etməyə məcbur edilirəm. Bütün əvvəlki hallarda olduğu kimi bu dəfə də öz doğruluğuma tam əmin olduğum üçün heç bir "öz xahişimlə" ərizəsinə imza atmayacağam. Bu hadisəni də digər əvvəlki hadisələr kimi məktəb rəhbərliyi tərəfindən şəxsimə qarşı qərəzli qarayaxma kompaniyası hesab edirəm.
Hər dəfə əlimdən alınan siniflərin uşaqları ilə qurduğum mehriban ünsiyyət, ana-bala nəvazişi, qarşılıqlı sevgi bağı amansızca yarıya belə çatmamış qopardılanda bu təkcə mənə qarşı yönəldilmiş zorbalıq deyil, həm də o uşaqlara yönəlik zorbalıqdır. Bir çox rəhbər işçilərin sevdiyi "bullyng" sözünün əsl qurbanı bizlərik!
Xahiş edirəm, həmkarlar ittifaqının sədri olaraq mənə qarşı göstərilən bu qərəzli münasibətə yazılı şəkildə obyektiv qiymət verəsiniz.


“171-nömrəli tam orta məktəbin bir qrup müəllimi tərəfindən məktəbin direktorunun davranışı barəsində ünvanlanmış müraciətlə bağlı Bakı Şəhəri üzrə Təhsil İdarəsi tərəfindən araşdırma aparılsın.

Təhsil müəssisələrində səmərəli tədris mühitinin və peşəkar işgüzar münasibətlərin qorunması prioritet məsələlərdəndir”, - deyə məlumatda qeyd olunub.