Gəncədə şəhid və qazi ailələrinə təzyiq iddiası: Abbasquliyev Elçin və Qazi Kamal Əmirov hədəfə alınıb.

Gəncədə yaşayan Abbasquliyev Elçin Tahir oğlu və Qazi Kamal Əmirov Elman oğlu yerli icra hakimiyyətinin təzyiqlərinə məruz qaldıqlarını bildiriblər. Vətəndaşlar iddia edirlər ki, şəhərdə baş verən sosial problemlər, şəhid və qazi veteranların, həmçinin digər vətəndaşların hüquqlarının təmin olunmaması səbəbindən ictimaiyyətə məlumat vermək üçün video çəkilişlər aparıblar.

Vətəndaşlar qeyd edirlər ki, video çəkilişləri səbəbindən icra hakimiyyəti tərəfindən onlara qarşı təzyiq və hədə-qorxu halları yaşanıb:

“Biz yalnız baş verən problemləri göstərmək istədik. Şəhid və qazi ailələrinin haqları, sosial problemləri nəzərə alınmadığı üçün ictimaiyyətə məlumat verdik. Buna görə də təzyiqlərlə üzləşirik.”

Hadisə yerli idarəetmədə şəffaflıq və ictimai nəzarətin yetərsiz olduğunu göstərir. Şəhid və qazi ailələri məsələ ilə bağlı aidiyyəti dövlət qurumlarından müdaxilə və hüquqlarının təmin olunmasını tələb edirlər.

Redaksiya hazırda Gəncə şəhər icra hakimiyyətindən rəsmi açıqlama almağa çalışır.