Bakı Beynəlxalq Multikulturalizm Mərkəzində (BBMM) Ukraynanın Azərbaycandakı səfirliyi və Ukrayna Azərbaycanlıları Birləşmiş Diasporunun birgə təşkilatçılığı ilə “Zərifə və Heydər Əliyevlər. Əbədiyaşar məhəbbət” kitabının Ukrayna dilində ilk təqdimatı keçirilib. Tədbir Azərbaycan və Ukrayna arasında mədəni-humanitar əməkdaşlığın inkişafına töhfə verən əhəmiyyətli layihə kimi dəyərləndirilib. Tədbirdə BBMM nin icraçı direktoru Rəvan Həsənov, Ukraynanın Azərbaycandakı səfiri Yuri Qusev, Ukrayna Azərbaycanlıları Birləşmiş Diasporunun sədri Hikmət Cavadov, Azərbaycan Yazıçılar Birliyinin sədrinin birinci katibi, Xalq yazıçısı Çingiz Abdullayev, kitabın müəllifi BMMM nin Himayəçiləri Şurasının üzvü, Xalq yazıçısı Elmira Axundova və başqaları iştirak etmişdir. Tədbirdə Azərbaycan Kürdlərini Ronahi Kürd Mədəniyyət Mərkəzinin sədri Zabit Məmmədov təmsil etmişdir.