22 dekabr tarixində Laçın rayonu üzrə ümumi təhsil müəssisələri ilə hesabat xarakterli görüş keçirilib.
Görüşdə Laçın rayonu üzrə təhsil sektorunun müdiri və əməkdaşları, Laçın rayonu 5, 12, 21, 38 nömrəli, Firuzəddin Cəfərov adına Aşağı Cicimli, Məzahir İsmayılov adına Cicimli və Rizvan Hümbətov adına Güləbird kənd tam orta ümumtəhsil məktəblərinin direktorları və direktor müavinləri iştirak ediblər.
Həmçinin IV siniflər üzrə ibtidai sinif müəllimləri, VI siniflər üzrə Azərbaycan dili, riyaziyyat və təbiət fənn müəllimləri, IX siniflər üzrə isə buraxılış imtahanı fənn müəllimləri görüşə cəlb olunublar.
Görüş zamanı tədris prosesinin keyfiyyətinin artırılması, şagird nailiyyətlərinin yüksəldilməsi istiqamətində geniş fikir mübadiləsi aparılıb. Məktəb direktorları cari tədris ilində görülən işlər və qarşıya qoyulan hədəflərlə bağlı təqdimatlarla çıxış ediblər.
Görüşün məqsədi ümumi təhsil müəssisələrində tədrisin keyfiyyətinin yüksəldilməsi, idarəetmədə sistemli yanaşmanın gücləndirilməsi, məlumatlara əsaslanan qərarvermənin təşviqi və şagird nailiyyətlərinin davamlı inkişafının təmin olunmasıdır.
