Nüvə dövlətinin liderindən İlham Əliyevə böyük jest: "etimadınızı doğruldacağam..."
O, Azərbaycan Prezidenti İlham Əliyevlə təkbətək və geniş tərkibdə görüşlər keçirib, 10-dan artıq sənəd imzalanıb. Bakıda, həmçinin Azərbaycan-Pakistan biznes forumu keçirilib, liderlər forumda çıxış ediblər.
Şahbaz Şərifin Azərbaycana səfərini Modern.az-a şərh edən Milli Məclis Sədrinin müavini Musa Qasımlı bildirib ki, Cənab Prezidentimiz İlham Əliyevin müəyyənləşdiridiyi xarici siyasət xəttinin uğurla həyata keçirilməsi nəticəsində dövlətimizin beynəlxalq mövqeləri dair güclənir, ayrı-arı dövlətlərlə qarşılıqlı münasibətlərin maddi təməlləri daha da möhkəmləndirilir, belə ölkələrədn biri Pakistan İslam Respublikasıdır.
"Baş nazir Məhəmməd Şahbaz Şərifin ölkəmizə dövlət səfəri zamanı keçirilən danışıqlar, imzalanan sənədlər və mətbuata verilən bəyanatlar təkcə mövcud vəziyyət deyil, gələcək perspektivlər baxımından da əhəmiyyətlidir. Heç şübhəsiz, münasibətlərimizin indiki səviyyəsi birlik, bərabərlik, haqq-ədalət və əməkdaşlıq rəmzi kimi tanınan cənab Prezidentimiz İlham Əliyevin xidmətləridir. Dövlət başçımızın mətbuata bəyanatında dediyi “dövri təmaslarımız iki qardaş ölkə arasında daha sıx tərəfdaşlıq münasibətlərinə zəmin yaratdı” ifadələri son illərdə keçilən yolun nə qədər faydalı olduğunu təsdiq edir. Azərbaycan və Pakistan iki qardaş ölkə olaraq suverenlik və ərazi bütövlüyü məsələsində bir-birinə qarşılıqlı surətdə dəstək verir, beynəlxalq təsisatlarda fəal əməkdaşlıq edirlər, daim bir-birini dəstəkləyirlər. İki ölkə arasında ticarət dövriyyəsinin Pakistana sərmayə qoyuluşunun həcminin artırılmasının, müdafiə sənayesi sahəsində birgə istehsalın təşkilinin, bütün bunlaırn həyata keçirilməsindən ötrü nəqliyyatın təşkilinin nəzərdə tutulması dövlətimizin artan qüdrətinin, beynəlxalq mövqelərinin möhkəmlənməsinin, eyni zamanda regionda sabitliyin göstəricilərindən biridir.
Baş nazirr Məhəmməd Şahbaz Şərifin bəyanatında cənab Prezidentimiz İlham Əliyevə müraciətlə dediyi “Siz Pakistanı dəstəkləmisiniz, Siz Pakistan xalqını sevirsiniz, Siz bu möhtəşəm ölkəyə rəhbərlik etməyə başlayandan bəri sözlərinizi əməllərinizlə sübuta yetirmisiniz” fikirləri 2003-cü ildən bəri dövlət başçımızın Pakistanla münasibətlərdə yürütdüyü siyasətdə həm keçilən yolu, həm mövcud vəziyyəti, həm də gələcək perspektivlər üçün möhkəm zəminin olduğunu göstərir".
Vitse-spiker qeyd edib ki, Azərbaycanın ən böyük uğurlarından biri Paksitandakı bütün siyasi partiyaların ölkəmizə münasibətdə vahid mövqedən çıxış etmələri, bütün təbəqələrin dostluğa tərəfdar olmalarıdır.
"Baş nazirin cənab Prezidentimiz haqqında söylədiyi aşağıdakı fikirlər hər bir azərbaycanlı üçün qürurvericidir: “Mən Sizin səmimiyyətinizə, liderliyinizə, müdrikliyinizə və baxışınıza görə həddindən artıq minnətdaram. Əziz qardaşım Prezident İlham Əliyev, Sizi əmin etmək istəyirəm ki, mən etimadınızı doğruldacağam, sizin sürətinizi və üzərinizə götürdüyünüz öhdəliklərinizi qarşılamağa və hətta ondan da artığını etməyə çalışacağam... Bizim dostluğumuz, qardaşlığımız Ərəb dənizinin isti sularından Xəzər dənizinə kimi uzanır. Biz birgə səylərimizlə bunu möhkəmləndirəcəyik, gücləndirəcəyik və İnşallah, bu qardaşlıq dünya var olduqca yaşayacaq.”
Musa Qasımlı qeyd edib ki, iki ölkə arasında münasibətlərin indiki səviyyəsinə birdən-birə gəlinməyib:
"Bəlli bir yol keçilib. Münasibətlərimizin dərin kökləri vardır. Pakistan İslam Respublikası Azərbaycan Respublikasının dövlət müstəqilliyini tanıyan və diplomatik əlaqələr quran ilk dövlətlərdən biridir. Ullu öndər Heydər Əliyev Pakistanla münasibətlərə xüsusi diqqət verirdi. Qarşlıqlı səfərlər münasibətlərdə atılan ilk addımlar kimi əhəmiyyətli idi. Ermənistanın Azərbaycana qarşı hərbi təcavüzünə dair məsələ müzakirə edilərkən Pakistan BMT Təhlükəsizlik Şurasının iclasına sədrlik etmiş və ədalətli mövqe tutaraq müvafiq qətnamə qəbul edilmişdi. Pakistan beynəlxalq hüququ kobudcasına pozan Ermənistanı rəsmən tanımayıb və diplomatik əlaqələr qurmayıb. Dövlət başçılarımız dəfələrlə qarşılıqlı səfərlər ediblər. Pakistan Xocalı soyqırımında ədalətli mövqe tutub. 2012-ci ildə Pakistan Senatının Xarici Əlaqələr Komitəsi, 2017-ci ildə Milli Assambleyanın Xarici İşlər Komitəsi Xocalı soyqırımını tanıyan və Ermənistanın Azərbaycana qarşı təcavüzünü pisləyən qətnamələr qəbul edib. İkinci Qarabağ müharibəsi zamanı Pakistan Azərbaycana siyasi-diplomatik və mənəvi dəstək verib. Azərbaycan dövləti də 70 ildən çox mövcud olan Kəşmir məsələsində Pakistann haqq işini dəstəkləyib. İki ölkə arasında münasibətlərdə humanitar əməkdaşlıq xüsusi yer tutur. Mehriban xanım Əliyevanın rəhbərliyi altında Heydər Əliyev Fondu bu işdə müstəsna rol oynayıb və oynayr. Pakistanda zəlzələdən ziyan çəkənlərə yardım göstərilib, məktəb tikilib istifadəyə verilib, digər humanitar tədbirlər görülüb və s. Bu səfər münasibətlərimizin yaxşı perspektivlərinin olduğunu göstərir".
