Aşıq Şəmşirin anadan olmasının 132-ci ildönümünə həsr olunmuş tədbir keçirilib.

Dovletxeberleri xəbər verir ki, Azərbaycan Yazıçılar Birliyinin və “Aşıq Şəmşir” Mədəniyyət Ocağı İctimai Birliyinin Təşkilatçılığı ilə Natəvan zalında Dədə Şəmşirin anadan olmasının 132-ci ildönümünə həsr olunmuş tədbir keçirilib.

Tədbirdə “Aşıq Şəmşir” Mədəniyyət Ocağının Sədri Cavid Qurbanov, Xalq şairi Sabir Rüstəmxanlı, Professor Şahlar Əsgərov, Azərbaycan Yazıçılar Birliyinin sədrinin müavini, Mətbuat Şurasının sədri Rəşad Məcid, Azərnəşrin baş redaktiru Əlövsət Ağalarov, YAP Kəlbəcər rayon təşkilatının sədri Həbib Misirov, şair, əməkdar jurnalist Adil Cəmil, Modern.az internet portalının rəhbəri, Əməkdar jurnalist Elşad Eyvazlı, Dədə Ələsgər Ocağ İctimai Birliyinin sədri Xətai Ələsgər, filologiya üzrə fəlsəfə doktoru İlham Məmmədli, BDU-nun dekanı Ələmdar Cabbarlı, tibb üzrə fəlsəfə doktoru Nağdəli Zamanov, Dədə Şəmşir Ocağından ziyalı Bəhlul Qocayev, Professor İradə Köçərli, Əməkdar müəllim, şəhid atası Mirsəyyaf Zamanll, şair Əyyub Cabbarov, əməkdar mədəniyyət işçisi aşıq Ədalət Dəlidağlı, Folklor inistutunun aparıcı elmi işçisi Səbinə İsayeva, ziyalılardan Adil Şükürov, Mayıl Adilov, şair Adil Həmid, Vuqar İsayev, Dədə Şəmşirin nəvələri Kəmalə Əmrahova, Pərviz Qurbanov, Kəlbəcər rayon orta məktəblərinin direktorları: Esmira Hüseynova, Həqiqət Şükürova, Heyran Əlizadə, Şahnaz Cəfərova və ictimaiyyət nümayəndələri iştirak ediblər.

Azərbaycan Yazıçılar Birliyinin sədrinin müavini, Mətbuat Şurasının sədri Rəşad Məcid, tədbiri açıq elan edərək Dədə Şəmşirin yaradıcılığı haqqında ətraflı məlumat verərək bildirdi ki, özündən sonra zəngin irs qoyub getmiş Dədə Şəmşirin yaradıcılığı sevilə-sevilə öyrənilməklə yanaşı, hazırda bu barədə bir-birindən maraqlı tədqiqat əsərləri yazılmaqdadır.

Tədbirin aparıcısı əməkdar jurnalist, şair Adil Cəmil Dədə Şəmşirin zəngin yaradıcılığı haqqında məlumat verərək qeyd etdi ki, Azərbaycan ədəbiyyatının və aşıq sənətinin görkəmli nümayəndəsi Aşıq Şəmşirin (Dədə Şəmşirin) anadan olmasında 132 il ötür. Dədə Şəmşirin qələmə aldığı qoşma, gəraylı, təcnis, divani, bayatı, rübai, qəzəl və müxəmməslərlə Kəlbəcər ədəbi mühitini, eləcə də yazılı və şifahi poeziyamızın ən önəmli cəhətlərini ustalıqla mənimsəyən söz sənətkarı kimi öz məktəbini yaratmışdı.

“Aşıq Şəmşir” Mədəniyyət Ocağı İctimai Birliyinin sədri Dədə Şəmşirin nəvəsi Cavid Qurbanov çıxış edərək bildirdi ki, Ulu öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışaraq vurğulayıb ki, Heydər Əliyev fenomeninə məxsus iti zəka, müdrik uzaqgörənlik və əzmkarlıq Milli Qurtuluşumuzun əsasını qoydu. Ulu öndər Heydər Əliyevin vəsiyyətlərini sədaqətlə həyata keçirən Prezident İlham Əliyev onun yarımçıq qoyduğu bütün işləri uğurla başa çatdırmışdır! Vətən müharibəsində və antiterror əməliyyatlarında otuzillik işğala qəhrəmanlıqla son qoymuş, ölkənin ərazi bütövlüyünü bərpa etmişdir. İndi isə Qarabağın və Şərqi Zəngəzurun bərpası və dirçəldilməsi prosesi sürətlə və uğurla davam etdirilir. Cavid Qurbanov həmçinin qeyd edib ki, Birinci vitse -prezident Mehriban xanım Əliyeva mədəniyyətimizin, incəsənətimizin, tarixi irsimizin böyük təbliğatçısı və hamisidir. Məhz onun təşəbbüsü ilə bizim milli sərvətimiz olan aşıq sənəti UNESCO dünya qeyri-maddi mədəni irs siyahısına daxil edilmişdir”.

Xalq şairi Sabir Rüstəmxanlı, Millət vəkili Jalə Əliyeva, Professor Şahlar Əsgərov, Azərnəşirin baş redaktoru Əlövsət Ağalarov, professor İradə Köçərli, filologiya üzrə fəlsəfə elmləri doktoru İlham Məmmədli, Dədə Ələsgər İctimai Ocağı Birliyinin sədri Xətai Ələsgər, Şair Əyyub Cabbarov, Əməkdar müəllim şair Mirsəyyaf Zamanlı, tibb elmləri üzrə fəlsəfə doktoru Nağdəli Zamanov, folklor İnsititunun əməkdaşı Səbinə İsayeva, Əməkdar mədəniyyət işçisi Aşıq Ədalət Dəlidağlı qeyd etdilər ki, Dədə Şəmşir qələmə aldığı qoşma, gəraylı, təcnis, divani, bayatı, rübai, qəzəl və müxəmməslərlə Kəlbəcər ədəbi mühitini, eləcə də yazılı və şifahi poeziyamızın ən önəmli cəhətlərini ustalıqla mənimsəyən söz sənətkarı kimi öz məktəbini yaratmışdı. Onun 40-dan artıq şagirdi vardı. İlk dəfə musiqişünas Əminə Eldarova Aşıq Şəmşirin ifasında 75 aşıq havasını lentə köçürüb. İndi Azərbaycan Dövlət Radiosunun qızıl fondunda mühafizə olunan bəzi lent yazıları aşığın Əminə xanım tərəfindən 1958-ci ildə yazılan saz havalarıdır. Aşıq Şəmşirin “Şerlər” adlı ilk kitabı 1959-cu ildə “Akademiya” nəşriyyatı tərəfindən buraxılıb. Sonralar müəyyən fasilələrlə ustad sənətkarın “Qoşmalar”, “Seçilmiş əsərləri”, “Dağ havası”, “Şerlər”, “Öyüdlər” və s. kitabları işıq üzü görüb. Aşıq Şəmşirin klassik ifa tərzi, bənzərsiz səs tembri ona böyük şöhrət gətirdi. Aşıq şəmşir şair, bəstəkar, ifaçı idi. O, saz havasını sözə, sözü də havaya kökləyir, şeirin heç kimin görmədiyi, ruhu dilləndirən yeni mənalarını aşılayırdı. Aşıq Şəmşir həm də dərin istedada malik dastan söyləyən olmuşdur. Aşıq Şəmşir saz-söz sənətinə göstərdiyi xidmətlərə görə Azərbaycanın “Əməkdar incəsənət xadimi" fəxri adına layiq görülmüş, 1973-cü ildə Ulu Öndər Heydər Əliyevin imzaladığı qərara əsasən, Aşıq Şəmşirin 80 illik yubileyi geniş qeyd olunmuş və ustad aşıq "Şərəf nişanı" ordeni ilə təltif edilmişdir. 1980-ci ildə isə daha bir qərara əsasən, Kəlbəcərin Mədəniyyət evinə Aşıq Şəmşirin adı verilmişdir. Ulu Öndər Heydər Əliyevin 2003-cü ildə imzaladığı Sərəncama əsasən, şair Aşıq Şəmşirin 110 illik yubileyi dövlət səviyyəsində qeyd edilmiş, Göygöl rayonundakı 7 illik Uşaq Musiqi məktəbinə, küçələrdən birinə Aşıq Şəmşirin adı verilmiş, həmçinin büstü ucaldılmışdır. Azərbaycan Respublikasının Prezidenti cənab İlham Əliyevin 2018-ci il tarixli Sərəncamı ilə Aşıq Şəmşirin 125 illiyi geniş qeyd edilmişdir. Uzun illərdir Mədəniyyət Nazirliyi tərəfindən uğurla həyata keçirilən gənc aşıqların Aşıq Şəmşir adına respublika saz-söz müsabiqəsi və saz-söz festivalları sayəsində gənc istedadlar üzə çıxarılmışdır.Artıq Qarabağımız, Kəlbəcərimiz Dədə Şəmşirin uyuduğu Ağdaban kəndi azaddır! İnşallah yaxın gələcəkdə Dədə Şəmşirin yurdunda Dədə Şəmşir adına Saz-Söz bayramları keçiriləcəkdir!