Korrupsiyada adı hallanan Namiq Məmmədov: Əliniz cibinizdə olsun...

"Azəriqaz" İstehsalar Birliyində qalmaqal bitmək bilmir. Bir müddət öncə Ağsu RQİ-də çalışan Namiq Məmmədov haqqında yazdığımız korrupsiya şübhələri qurumda yoxlamalar aparılması ilə özünü doğrultdu. Əlimizdə dəqiq rəqəmlər olmasa da yoxlamaların nəticəsində xeyli korrupsiya əməli ortaya çıxdı. Bəs bu hallardan sonra Namiq Məmmədov işdən kənarlaşdırıldımı? Xeyr. Əksinin baş verdiyinin şahidi oluruq. N. Məmmədov haqqında bir neçə şikayət redaksiyamıza daxil olub. Onlardan bir neçəsini təqdim edirik:

Məlumata görə, Namiq Məmmədovun Ağsu RQİİ-də rəis işlədiyi zamanlarda Kürdəmirin Sor-Sor kəndində yerləşən istixanaya müəyyən "şirinlik" müqabilində qazı yaxın mənbədən, yəni əhali xəttindən verilməsi səbəbindən əhaliyə qaz çatmır və nəticədə böyük qaz itkisi yaranır.

Bundan başqa Məmmədovun bir səhvi nəticəsində enerji sektorunda ciddi problemlərin yarandığı bildirilir. Buna baxmayaraq "Azəriqaz" İstehsalat Birliyində Məmmədovu qoruyan əl hələ də aktivdir.

N. Məmmədov Ağsu RQİİ-də ezam olduğu halda Nail Abdullayevlə danışaraq özünün yavəri sayılan Həbib Quliyevin vasitəsi ilə Regional idarədə və ona tabe qurumlarında rəhbər heyətə və əsas mühəndis texniki işçilərə "əlləri ciblərində olması" tapşırığı verilib. Həbib Quliyev isə "Karbamid" Zavodunun direktor müavini Qismət Soltanova arxalanaraq rəhbər olduğu gündən qanunları ayağ altına atmağa davam edir.

Əvvəlki yazılarda bildirdiyimiz kimi, Həbib Quliyev hələ 2016-cı ilə mühəndis işləyən zamandan Namiq Mənmədovun qara kassası, eyni zamanda yavəri kimi fəaliyyət göstərib, onun Ağsu RQİİ də sosial işçilərin işə götürülməsində xidmətləri böyükdür. Məlumata görə Məmmədovla vətəndaş arasında uzun illər körpü rolunu oynayıb.

Yeni əldə etdiyimiz məlumata görə, Namiq Məmmədov Cahid Hüseynovun və Nail Abdullayevin təkidi ilə indi də Ağsuya göndərilir. Sadaladığımız saysız-hesabsız qanunsuzluqlar edən bir şəxsi işdən kənarlaşdıraraq məsuluyyətə cəlb etmək əvəzinə yenidən rəhbər təyin edirlər. Lənkəran RQİİ-də yoxlama aparılan zaman xeyli sayda qanunsuzluqlar aşkarlandığı halda Məmmədov yenə mükafatlandırılır. Görünən odur ki, "Azəriqaz"-da bəzi rəhbər şəxslər Ali Baş Komandanı eşitmirlər, onun onun şəffaf idarəetmə prinsipini qəbul etmirlər, əgər etsəydilər Məmmədovi cəzalandırar, ona yenidən kreslo verməzdilər.

Redaksiyamıza gələn məlumata görə, Məmmədov çətinə düşən kimi qanunsuz əməlləri aşkar olunduqdan sonra "Azəriqaz"-dan gələn yoxlamalara Cahid Hüseynov zəng edərək tapşırığı verirki Məmmədovla işiniz olmasın, bizim adamdır. Cahid Hüseynov öz qardaşı oğlu hazırda həbs həyatı yaşayan Əlihüseyn Hüseynova verdiyi dəstəyi Məmmədova da verir. Sonu onun kimi olmaması ümudi ilə...