Ermənipərəst Nenesi Pelosinin ombasını dəyişdilər
Xəbər verilir ki, bu barədə Reuters” onun ofisinə istinadən məlumat yayıb.
Qeyd olunur ki, 84 yaşlı Pelosi Lüksemburqa səfəri zamanı xəsarət alıb və müayinə üçün xəstəxanaya yerləşdirilib.
Onun ofisindən bildirlib ki, Pelosi Lüksemburqda müvəffəqiyyətlə omba dəyişdirmə əməliyyatı keçirib və sağlamlaşır.
Əməliyyat Almaniyadakı Landstuhl Hərbi Hava Qüvvələri bazasındakı Landstuhl Regional Tibb Mərkəzində aparılıb və Müdafiə Nazirliyi Pelosinin Lüksemburqdan oraya köçürülməsinə kömək edib.
Daha əvvəl bildirilmişdi ki, Pelosi Ardenn döyüşünün 80-ci ildönümü ilə əlaqədar Konqres nümayəndə heyətinin tərkibində Lüksemburqda olub. Pelosi rəsmi tədbir zamanı xəsarət alıb. O, müayinə üçün Lüksemburq Şəhər Xəstəxanasının şimal-şərqindəki Kirchberg xəstəxanasına yerləşdirilib.
Qeyd edək ki, Pelosi Nümayəndələr Palatasının spikeri vəzifəsini tutan ilk qadındır və uzun müddət Nümayəndələr Palatasının Demokratlar Partiyası fraksiyasına rəhbərlik edib.
O, 2023-cü ildə spiker vəzifəsini tərk edib, lakin Nümayəndələr Palatasında fəaliyyətini davam etdirib. Noyabrda daha iki il müddətinə Nümayəndələr Palatasına üzv seçilib.
Nenesi Pelosi ermənipərəst konqresmen kimi tanınıb və daim Azərbaycan əleyhinə iş aparıb. O, erməni diasporunun “böyük dostu” və separatçılığın tərəfdarı kimi ad-san qazanıb.
