Xalq Bank xidmət şəbəkəsinin genişləndirilməsi strategiyasını davam etdirir.

Xəbər verilir ki, 3 iyul 2026-cı il tarixində Xankəndi şəhərində Xalq Bankın yeni filialının açılışı olub.

Açılış mərasimində rəsmi nümayəndələr və bankın rəhbər heyəti iştirak edib.

Bankın sayca 31-ci filialı olan Xankəndi filialı şəhərin Azərbaycan küçəsində fəaliyyət göstərəcək. Filialda fiziki və hüquqi şəxslərə hesablaşma-kassa əməliyyatları, kredit və depozit məhsulları, bank kartları, pul köçürmələri, valyuta mübadiləsi və digər maliyyə xidmətləri təqdim olunacaq.

Bildirilib ki, müasir standartlara cavab verən filial region sakinlərinin və biznes subyektlərinin maliyyə xidmətlərinə çıxış imkanlarının genişləndirilməsini hədəfləyir.

Qeyd edək ki, filial həftə içi beş gün saat 09:30-dan 17:00-dək xidmət göstərəcək. Həmçinin filialın tərkibində özünəxidmət terminalları ilə təchiz edilmiş rəqəmsal ofis günün 24 saatı, həftənin 7 günü fəaliyyət göstərəcək.