“Mənim üçün sənətimdə, ailəm kimi doğmadır” deyir həmsöhbətim. Əslində müsahibimlə maraqlı bir müsahibəni çoxdan hazırlamaq istəyirdim. Oxuduğu mahnılar, sadəliyi ilə seçilən müsahibimlə elə müsahibəmizdə maraqlı keçdi. Mən onu naz-qəmzəli, xanım-xatun, ən əsasıda qayğıkeş, ailəcanlı bir Azərbaycan qadını kimi tanıyıram. Müsahibim gözəl səsli müğənni, layiqli dost, uşaq qəlbi kimi kövrək qəlbli Yaqut Nərimandır.
-Yaqut salam necəsiniz?
- Təşəkkür edirəm yaxşı olmağa çalışıram çox şükür.
- Karantin sizə hansı problemləri yaratdı?
- Əslində heç bir problem yaratmadı. Hamı necə mən də eləcə karantinə riayət etdim.
- Yaqut Nəriman özünü sevənlərinə necə təqdim edə bilər?
- Yaqut Nəriman sevənlərinə özünü ancaq sadə biri kimi təqdim edə bilər.
- Bəzən müğənnilər gecə yarısına qədər işləməli olur, ya səfərə çıxıb, günlərlə evdə olmurlar. Bu cür iş şəraiti ilə övladınıza necə zaman ayıra bilirsiniz?
- Vallah qeyd edim ki, artıq karantin rejimindəyik. Lakin karantin rejimindən əvvəldə indi də belə mən öz ailəmə hər zaman vaxt ayırmışam və ayırıramda. Yəni belə deyəkdə işin iş yeri var, istirahətin istirahət, ailənin öz yeri. Mən inandırım ki, yetərincə ailəmə vaxt ayırıram, tərbiyəsi ilədə ciddi məşğul oluram. Mənim üçün ilk növbədə ailəmdir, övladımdır, daha sonra isə sənətimə.
- Sizi proqramların bir çoxunda tək görürük. Niyə?
- Açığı qeyd edim ki, mən öz bacım Şəlalə Nərimanla çalışıram və bir çox məclislərdədə elə bir yerdə oluruq. Yox deməzdim ki, mən bir çox proqramlara tək çıxıram. Məndə bir çox müğənni həmkarlarım kimi eyni səhnəni sevə-sevə bölüşürəm.
- Deyirəm gəlin "olmadı"mahnısından danışaq. Onun yaranması necə oldu?
- Açığı Aydın qeyd edim ki, bu mahnı bir çox dinləyicilər tərfindən sevildi. Və bu gündə elə sevilir. Məni hətta hansı efirə dəvət edirlərsə bu mahnını məndən istəyirlər. Vallah çalışıram ki, heç bir əziyyətim boşa getməsin. Mən Rəbbimdən olduqca razıyam ki, məni Yaqut Nəriman kimi xalqıma sevdirib, daha sonra işlərimdən və məni sevən sənətimə dəstək olan ailəm yanımda olduğu üçün razıyam hər bir şeydən.



- Bəs bayağı mahnılar necə?
- Bayağı deyərkən nəyi nəzərdə tutursunuz üç badam bir qoz mahnıları (gülür) İnandırım sizi mənim bir gündə direktimə o qədər elə mahnılar gəlir. Amma mən o cür mahnıları heç bir zaman oxumaram.
- Amma bu gün o mahnılara tələbat var?
- Razıyam ola bilər ki var. Lakin elə mahnıların ömrü çox qısa olur. Siz özünüzdə gözəl bilirsiniz ki mən klassik estrada mahnılarına daha çox üstünlük verirəm.
- Şəxsi həyata gəlincə ailəlisiniz. Bəs maraqlıdır sənətinizə sizi həyat yoldaşınız qısqanırmı?
- Yox. Mən ailə qurduğum zaman həyat yoldaşım bilirdi ki, mən sənətdəyəm. Bayaqda qeyd etdim axı, mənim üçün ailəm və sənətim əzizdir. Və bu gündə vurğulaytım ki, sənətimdə belə yoldaşım mənə dəstəkdir, heç bir problem yoxdur, inşallah ki olmayacaqda.
- Nəyi özünüzdə sevmirsiniz?
- Desəm ki elə bir şey yoxdur.
- Deyirlər ki, dünyada dörd cür insan var: Aşiqlər, xəyalpərəstlər, özünəvurğunlar və dəlilər. Özünüzü hansı kateqoriyada sayırsınız?
- Maraqlı sualdır. Amma sadaladığınızın heç biri məndə yoxdur.
- Volter deyir ki, insan həyatını iki yarıda yaşayır. Biri aldanan, başqası aldadan çağlardır. Siz həyatınızın hansı dönəmindəsiniz?
- Mən ağıllı bir qadınam və heç bir zamanda aldanan deyiləm. Bilirsinizmi bu günə qədər Uca Rəbbim məni qoruyub, qoruyur, qoruyacaqda.
- Artıq yay fəslidir. Yeni sezonda hansı yenilikləriniz var?
- Hə yeni sezonu deməzdim indidən amma qısaca deyim. Yaxın günlərdə modelyer Saida xanımla işbirliyinə start vermişik və onun əl işlərindən ibarət əlbisələrlə fotosessiyam olacaq. Daha sonra hamının sevdiyi “Olmadı” mahnısına klip çəkdirməyi planlaşdırıram.
- Qalmaqallara necə baxırsınız?
- Mən qalmaqallardan uzağam. Siz özünüzdə məni gözəl tanıyırsınız. Mən qalmaqalla yox öz ifalarımla gündəmdəyəm.
- Bizim estaradan kimi dinləyirsiniz?
- Düzü bizim estradadan dinlədiklərimdə var, dinləmədiklərimdə var.
- Müğənni Yaqut Nərimana təlabat var, yoxsa toylara ucuz qiymətə gedirsiniz?
- Bəli, bu gün mən işimdən razıyam və Yaquta bu gün tələbat var. O ki qaldı toylara qiymət barəsində mən bu barədə danışmağı heç sevmirəm.
- Sonda özünüzü üç kəlmə ilə ifadə edin
- Ağıllı, işgüzar, ailəcanlı

Aydın Ulusoy