12 iyul tarixində I və IV ixtisas qrupları üzrə qəbul imtahanının ikinci cəhd mərhələsi keçirilib. Bununla da bütün ixtisas qrupları üzrə qəbul imtahanları yekunlaşıb və abituriyentlərin əksəriyyəti artıq topladıqları balı bilir.

İndi isə növbəti və ən məsuliyyətli mərhələlərdən biri olan ixtisas seçimi prosesi başlayacaq. Bu mərhələdə abituriyentləri ən çox düşündürən suallardan biri mövcud balla hansı ali təhsil müəssisəsinə və hansı ixtisasa qəbul olmağın mümkün olmasıdır.

Xüsusilə aşağı bal toplayan abituriyentlər arasında "Bu nəticə ilə universitetə qəbul olmaq mümkündürmü?", "Hansı ixtisasları seçmək daha realdır?" kimi suallar gündəmdədir.

Məlumata görə, AzEdu.az 2025-ci ilin qəbul nəticələrinə əsaslanaraq I ixtisas qrupu üzrə formalaşan keçid ballarını araşdırıb, ən aşağı balla tələbə qəbul edən ali təhsil müəssisələri və ixtisasların siyahısını hazırlayıb.

Bu siyahı abituriyentlər üçün seçim mərhələsində daha real təsəvvür formalaşdırmağa kömək edəcək.

2025-ci ilin qəbul nəticələrinə əsasən I ixtisas qrupu üzrə ən aşağı keçid balı Azərbaycan Texnologiya Universitetinin “Şərabçılıq” (tədris ingilis dilində) ixtisasında qeydə alınıb. Bu ixtisasa qəbul üçün keçid balı 150 olub.

Bakı Dövlət Universitetində I ixtisas qrupu üzrə ən aşağı keçid balına malik ixtisaslar geologiya, mexanika, geologiya və geofizika mühəndisliyi, geomatika və geodeziya mühəndisliyi, mədən mühəndisliyi, riyaziyyat müəllimliyi (Qazax filialı), eləcə də riyaziyyat və informatika (rəqəmsal bacarıqlar) müəllimliyi (Qazax filialı) olub. Bu ixtisaslar üzrə keçid balı 200 bal olub.

Bu universitetdə keçid balı aşağı olan digər ixtisaslardan biri də 245 balla meliorasiya mühəndisliyi ixtisasıdır.

Azərbaycan Dövlət Neft və Sənaye Universitetində I ixtisas qrupu üzrə ən aşağı keçid balına malik ixtisaslar geologiya, cihaz mühəndisliyi, geologiya və geofizika mühəndisliyi, həyat fəaliyyətinin təhlükəsizliyi mühəndisliyi, maşın mühəndisliyi, materiallar mühəndisliyi, mexanika mühəndisliyi, mədən mühəndisliyi, mühəndislik fizikası və sənaye mühəndisliyi olub. Bu ixtisaslar üzrə keçid balı 200 bal müəyyənləşib.

Bundan əlavə, radiotexnika və telekommunikasiya mühəndisliyi ixtisasında keçid balı 224.2, energetika mühəndisliyində 237.1, həyat fəaliyyətinin təhlükəsizliyi mühəndisliyində 237, ekologiya mühəndisliyində isə 250.1 olub.

Azərbaycan Texniki Universitetində I ixtisas qrupu üzrə ən aşağı keçid balına malik ixtisaslar aerokosmik mühəndislik, cihaz mühəndisliyi, energetika mühəndisliyi, qida mühəndisliyi, maşın mühəndisliyi, materiallar mühəndisliyi, həyat fəaliyyətinin təhlükəsizliyi mühəndisliyi, mexanika mühəndisliyi, metallurgiya mühəndisliyi, nəqliyyat mühəndisliyi və sənaye mühəndisliyi olub. Bu ixtisaslar üzrə keçid balı 200 olub. Həmçinin, ekologiya mühəndisliyi üzrə keçid balı isə 246 bal olaraq formalaşıb.

Azərbaycan Memarlıq və İnşaat Universitetində I ixtisas qrupu üzrə ən aşağı keçid balına malik ixtisaslar geomatika və geodeziya mühəndisliyi, həyat fəaliyyətinin təhlükəsizliyi mühəndisliyi, inşaat mühəndisliyi, kommunikasiya sistemləri mühəndisliyi, maşın mühəndisliyi, materiallar mühəndisliyi, mexanika mühəndisliyi, neft-qaz mühəndisliyi, nəqliyyat mühəndisliyi, nəqliyyat tikintisi mühəndisliyi və sənaye mühəndisliyi olub. Bu ixtisaslar üzrə keçid balı 200 bal olub.

Bundan əlavə, elektrik və elektronika mühəndisliyi üzrə keçid balı 214, ekologiya mühəndisliyi 241.5, şəhərsalma ixtisası isə 243.7 bal olub.

Azərbaycan Dövlət Pedaqoji Universitetində I ixtisas qrupu üzrə ən aşağı keçid balına malik ixtisaslar fizika müəllimliyi (Şamaxı filialı), informatika (rəqəmsal bacarıqlar) müəllimliyi (Şəki filialı), riyaziyyat müəllimliyi (Ağcabədi filialı və Quba filialı), eləcə də riyaziyyat və informatika (rəqəmsal bacarıqlar) müəllimliyi (Şamaxı, Şəki və Ağcabədi filialları) olub. Bu ixtisaslar üzrə keçid balı 200 bal olub.

Bundan əlavə, texnologiya müəllimliyi ixtisasında keçid balı 230.5 bal olub.

Azərbaycan Dövlət İqtisad Universitetində I ixtisas qrupu üzrə ən aşağı keçid balına malik ixtisaslar maşın mühəndisliyi, materiallar mühəndisliyi və informasiya texnologiyaları (Zaqatala filialı) olub. Bu ixtisaslar üzrə keçid balı 200 bal olub.

Bakı Mühəndislik Universitetində I ixtisas qrupu üzrə ən aşağı keçid balına malik ixtisaslar elektrik və elektronika mühəndisliyi, energetika mühəndisliyi, inşaat mühəndisliyi, kommunikasiya sistemləri mühəndisliyi, logistika və nəqliyyat texnologiyaları mühəndisliyi, maşın mühəndisliyi, mexanika mühəndisliyi, memarlıq, nəqliyyat mühəndisliyi, nəqliyyat tikintisi mühəndisliyi, radiotexnika və telekommunikasiya mühəndisliyi, sənaye mühəndisliyi və şəhərsalma olub. Bu ixtisaslar üzrə keçid balı 200 bal olub.

Ekologiya mühəndisliyi ixtisasında keçid balı 235 bal (tədris ingiliscə 242.9 bal) olub. Şərabçılıq ixtisasında isə keçid balı 224.2 bal (qiyabi 209.5 bal) olub.

Naxçıvan Dövlət Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, riyaziyyat müəllimliyi, riyaziyyat və informatika (rəqəmsal bacarıqlar) müəllimliyi, elektrik və elektronika mühəndisliyi, energetika mühəndisliyi, kompüter mühəndisliyi, nəqliyyat mühəndisliyi, memarlıq və proseslərin avtomatlaşdırılması mühəndisliyi olub. Bu ixtisaslar üzrə keçid balı 200 bal olub.

Bundan əlavə, texnologiya müəllimliyi ixtisası üzrə 179.3 bal, meliorasiya mühəndisliyi üzrə 183.4 bal, yerquruluşu və daşınmaz əmlakın kadastrı üzrə 191.1 bal, ekologiya mühəndisliyi üzrə 192 bal, torpaqşünaslıq və aqrokimya üzrə 202.3 bal, informasiya texnologiyaları üzrə 234.2 bal və riyaziyyat ixtisası üzrə 250 bal qeydə alınıb.

Naxçıvan Müəllimlər İnstitutunda ixtisaslar üzrə keçid balları belə olub: riyaziyyat və informatika (rəqəmsal bacarıqlar) müəllimliyi üzrə 200 bal, texnologiya müəllimliyi üzrə isə 169.9 bal qeydə alınıb.

Azərbaycan Turizm və Menecment Universitetində qida mühəndisliyi ixtisası üzrə keçid balı 200 olub.

Milli Aviasiya Akademiyasında materiallar mühəndisliyi ixtisası üzrə keçid balı 200 təşkil edib.

Azərbaycan Dövlət Dəniz Akademiyasında isə dəniz naviqasiyası mühəndisliyi (Qiyabi), gəmi energetik qurğularının istismarı (Əyani və Qiyabi) və gəmiqayırma və gəmi təmiri mühəndisliyi ixtisasları üzrə keçid balı 200 olub.

Azərbaycan Dövlət Aqrar Universitetində (Gəncə şəhəri) I ixtisas qrupu üzrə ən aşağı keçid balına malik ixtisaslar Elektrik və elektronika mühəndisliyi, energetika mühəndisliyi, həyat fəaliyyətinin təhlükəsizliyi mühəndisliyi, informasiya texnologiyaları, kompüter mühəndisliyi, qida mühəndisliyi, logistika və nəqliyyat texnologiyaları mühəndisliyi ixtisasları üzrə 200 bal olub.

Bundan əlavə, balıqçılıq ixtisası üzrə 160.7 bal, meşəçilik üzrə 167.5 bal, zoomühəndislik (tədris türk dilində) üzrə 168.4 bal, şərabçılıq üzrə 175 bal, aqronomluq ixtisası üzrə 188.4, (tədris türk dilində - 196.4, qiyabi - 197.1 və tədris ingiliscə 217.7) bal, aqromühəndislik üzrə 191.8 bal (tədris türk dilində 199.8 bal), torpaqşünaslıq və aqrokimya üzrə 200.9 bal (tədris türk dilində-190.4, tədris ingiliscə- 204.1 və qiyabi- 215.3 bal ), yerquruluşu və daşınmaz əmlakın kadastrı üzrə isə 250.7 bal qeydə alınıb.

Gəncə Dövlət Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, informatika (rəqəmsal bacarıqlar) müəllimliyi, kimya mühəndisliyi və maşın mühəndisliyi ixtisasları üzrə 200 bal olub.

Bundan əlavə, texnologiya müəllimliyi üzrə isə 177.4 bal,ekologiya mühəndisliyi üzrə 213.1 bal qeydə alınıb.

Azərbaycan Texnologiya Universitetində I ixtisas qrupu üzrə ən aşağı keçid balına malik ixtisaslar elektrik və elektronika mühəndisliyi, həyat fəaliyyətinin təhlükəsizliyi mühəndisliyi, informasiya texnologiyaları, informasiya təhlükəsizliyi, kompüter mühəndisliyi, qida mühəndisliyi, logistika və nəqliyyat texnologiyaları mühəndisliyi, maşın mühəndisliyi, metallurgiya mühəndisliyi, nəqliyyat mühəndisliyi, proseslərin avtomatlaşdırılması mühəndisliyi, radiotexnika və telekommunikasiya mühəndisliyi və sənaye mühəndisliyi ixtisasları üzrə 200 bal olub.

Bundan əlavə, şərabçılıq üzrə 150.4 bal (tədris ingilis dilində 150 bal), ekologiya mühəndisliyi üzrə isə 185.6 bal qeydə alınıb.

Sumqayıt Dövlət Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, informatika (rəqəmsal bacarıqlar) müəllimliyi, riyaziyyat müəllimliyi (tədris ingilis dilində), elektrik və elektronika mühəndisliyi, energetika mühəndisliyi, kimya mühəndisliyi, logistika və nəqliyyat texnologiyaları mühəndisliyi, mexanika mühəndisliyi, mexatronika və robototexnika mühəndisliyi, neft-qaz mühəndisliyi və proseslərin avtomatlaşdırılması mühəndisliyi ixtisasları üzrə 200 bal olub.

Bundan əlavə, ekologiya mühəndisliyi üzrə 241.8 bal, informasiya təhlükəsizliyi üzrə 249.5 bal, fizika və riyaziyyat ixtisasları üzrə isə 250 bal qeydə alınıb.

Mingəçevir Dövlət Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, informatika (rəqəmsal bacarıqlar) müəllimliyi, riyaziyyat və informatika (rəqəmsal bacarıqlar) müəllimliyi, elektrik və elektronika mühəndisliyi, energetika mühəndisliyi, həyat fəaliyyətinin təhlükəsizliyi mühəndisliyi, informasiya texnologiyaları, informasiya təhlükəsizliyi və kompüter mühəndisliyi ixtisasları üzrə 200 bal olub.

Bundan əlavə, texnologiya müəllimliyi üzrə 201.3 bal, ekologiya mühəndisliyi üzrə 211.7 bal, kompüter elmləri üzrə isə 250 bal qeydə alınıb.

Lənkəran Dövlət Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, riyaziyyat müəllimliyi, riyaziyyat və informatika (rəqəmsal bacarıqlar) müəllimliyi, informasiya texnologiyaları, informasiya təhlükəsizliyi, kompüter mühəndisliyi və qida mühəndisliyi ixtisasları üzrə 200 bal olub.

Bundan əlavə,meşəçilik üzrə 159.4 bal (qiyabi 166.6 bal), şərabçılıq üzrə 174.7 bal (qiyabi 177.2 bal), zoomühəndislik üzrə 174.7 bal, texnologiya müəllimliyi üzrə 190.5 bal, aqromühəndislik üzrə 200.6 bal, aqronomluq üzrə 184.7 bal (qiyabi 190 bal), torpaqşünaslıq və aqrokimya üzrə 199.6 bal (qiyabi 194.6 bal) qeydə alınıb.

Azərbaycan Kooperasiya Universitetində I ixtisas qrupu üzrə ən aşağı keçid balına malik ixtisaslar kompüter mühəndisliyi və qida mühəndisliyi ixtisasları üzrə 200 bal olub.

Bundan əlavə, şərabçılıq üzrə 207.5 bal, ekologiya mühəndisliyi üzrə 218.3 bal, torpaqşünaslıq və aqrokimya üzrə 236.1 bal, yerquruluşu və daşınmaz əmlakın kadastrı üzrə isə 247.2 bal qeydə alınıb.

Qərbi Kaspi Universitetində I ixtisas qrupu üzrə ən aşağı keçid balına malik ixtisaslar cihaz mühəndisliyi, informasiya texnologiyaları (tədris ingilis dilində), informasiya təhlükəsizliyi (tədris ingilis dilində), informasiya təhlükəsizliyi, qida mühəndisliyi, mexatronika və robototexnika mühəndisliyi (tədris alman dilində və ümumi proqram) ixtisasları üzrə 200 bal olub.

Bundan əlavə, ekologiya mühəndisliyi üzrə 223.8 bal, meşəçilik üzrə 222.3 bal(qiyabi- 199 bal), kompüter elmləri (tədris ingilis dilində) üzrə isə 250 bal qeydə alınıb.

Xəzər Universitetində I ixtisas qrupu üzrə ən aşağı keçid balına malik ixtisaslar fizika müəllimliyi, riyaziyyat və informatika (rəqəmsal bacarıqlar) müəllimliyi, elektrik və elektronika mühəndisliyi (tədris ingilis dilində), inşaat mühəndisliyi (tədris ingilis dilində), kimya mühəndisliyi (tədris ingilis dilində), mexanika mühəndisliyi (tədris ingilis dilində), neft-qaz mühəndisliyi (tədris ingilis dilində) və radiotexnika və telekommunikasiya mühəndisliyi ixtisasları üzrə 200 bal olub.

“Azərbaycan Universitetində” informasiya təhlükəsizliyi ixtisası üzrə keçid balı 200 olub.

Bakı Qızlar Universitetində riyaziyyat və informatika (rəqəmsal bacarıqlar) müəllimliyi ixtisası üzrə keçid balı 200 təşkil edib.

“Odlar Yurdu” Universitetində informasiya təhlükəsizliyi və kompüter mühəndisliyi (tədris ingilis dilində) ixtisasları üzrə keçid balı 200 olub.

Bakı Biznes Universitetində informasiya texnologiyaları ixtisası üzrə 246.5 bal, informasiya təhlükəsizliyi ixtisası üzrə isə 200 bal qeydə alınıb.