Qobuda qanunsuz tikinti iddiası: Məsul qurumlar niyə susur?

Abşeron rayonu, Qobu qəsəbəsi, Koroğlu küçəsində aparıldığı iddia olunan tikinti ilə bağlı sakinlərin narahatlığı davam edir. İddialara baxmayaraq, məsələ ilə bağlı hələ də geniş ictimaiyyətə aydın və ətraflı rəsmi açıqlama verilməyib.

Qanunvericiliyə əsasən, hər bir tikinti müvafiq icazələr əsasında aparılmalıdır. Əgər sözügedən tikinti qanuni əsaslarla həyata keçirilirsə, bununla bağlı sənədlərin açıqlanması cəmiyyətdə yaranan suallara cavab verə bilər.

Əgər qanun pozuntusu varsa, bunun araşdırılması və qanun çərçivəsində tədbir görülməsi aidiyyəti qurumların məsuliyyətidir.

İctimaiyyət Abşeron Rayon İcra Hakimiyyətindən, o cümlədən icra başçısı Abdin Fərzəliyevin rəhbərlik etdiyi qurumdan məsələ ilə bağlı rəsmi mövqe və şəffaf araşdırmanın nəticələrinin açıqlanmasını gözləyir.

Qanunun aliliyi bütün hallarda təmin edilməli, ictimai narahatlıq doğuran məsələlər isə operativ və şəffaf şəkildə araşdırılmalıdır.

Redaksiya aidiyyəti qurumların və tikinti ilə əlaqədar tərəflərin mövqeyini dərc etməyə hazırdır.