Aprelin 14-də səhər saatlarında məzuniyyətdə olarkən Azərbaycan Ordusunun qadın hərbi qulluqçusu Şahverdiyeva İlahə Rəsul qızı idarə etdiyi şəxsi avtomobilində hərəkət zamanı baş vermiş avtoqəzada vəfat edib.

Xəbər verilir ki, bu barədə Müdafiə Nazirliyindən bildirilib.

Qeyd olunub ki, faktla bağlı araşdırma aparılır

Müdafiə Nazirliyinin rəhbərliyi vəfat edən hərbi qulluqçunun ailəsinə başsağlığı verib.

***

15:24

Kəlbəcər rayonunda ölümlə nəticələnən yol-nəqliyyat hadisəsi olub.

Modern.az-ın məlumatına görə, 99-NK-848 dövlət nömrə nişanlı "Nissan Pathfinder" markalı avtomobilin aşması nəticəsində 1983-cü il təvəllüdlü Şahverdiyeva İlahə Rəsul qızı ölüb.

Faktla bağlı araşdırma aparılır.

Qəzaya düşərək həlak olan İ.Şahverdiyeva hərbçidir. "Qafqazinfo" bildirib ki, "N" saylı hərbi hissədə gizir kimi xidmət göstərirmiş.